14 Apr 17 去到行程既尾聲，呢日我地真係HEA 遊濟州。一瞓醒，就係去浸下露天温泉。經網上有限既資料，我地去左山房山碳酸温泉，貪佢夠大又有露天又有三温暖，真係想要乜有乜。入去之前，梗係刨哂功課，先知入到去要點人做。點知，比哂錢，爸爸先問哥哥的泳褲在哪裡⋯⋯原來，爸爸忘了帶哥哥的泳褲。噢！錢已付了，唯有⋯⋯他們自行想辦法吧。
這個温泉係幾舒服，最正係仲有二樓，有幾張按摩椅比人按摩，只係1,000WON。好抵。
舒服完後，我地出發去食鮑魚餐了。網上介紹的山房山茅草家，近温泉點，好似話食鮑魚好正。黎到濟州又去到山房山，梗係要試。原來地點都幾僻下，好彩我地係自駕遊。這個牌有山房山茅草家的電話。
以為去錯左⋯⋯點解兩間好似無人既屋架⋯⋯原來，入到去，已經有幾枱食客。
門口掛著得奬展示喎。果然係出名呀～
我地按餐單，點了四人份既鮑魚海鮮鍋。
超正呀，我地數過，都有十幾隻活鮑架。
會郁既鮑魚（按此）
明明話濟州既橘米酒好正⋯⋯點解媽媽唔覺架～～
吃飽飽，就在有利家屋前玩一陣。
吃飽飽海鮮，我地又出車繼續吃甜品去。呢一站係Jeju Innisfree House 。不過有個小朋友係車上揾左周公，落左車都一副未瞓醒既樣。
 |
| Claire: 點解我會黎左呢度既⋯⋯ |
Jeju Innisfree House 有甜品食架，見到都好吸引。亦都係呢個原因，媽媽選擇停留呢度而唔去O'sulloc 。
食甜品既地方，仲對住一大塊綠茶田。景色好舒服。
見佢個甜品牌，呢個濟州火山好似好吸引咁，梗係試下。打開⋯⋯點解好似同圖片不同既？
原來係要自己DIY 裝飾架。
溶岩已經爆發。
大功告成。好似玩多過食味道咁。
至於呢份甜品，就真係好正。食完好想再ENCORE。
食飽飽，梗係要係綠茶田影相留念。
不過小朋友呢，都係鐘意跑跑跳跳。
臨返香港的最後一日，我地打算去LOTTE超巿掃貨⋯⋯點知呢，老年咁遠去到，居然拉哂白布休息唔開，激心。我地又要還車喎，唯有兵分兩路，爸爸還車之際，媽媽就帶著兩位小朋友同婆婆，食返件冬甩先。好吸引，唔知食邊款好。
唔駛問，件POKEMON梗係哥哥架啦。媽媽就係綠茶，係幾好味呀，不過太肥，唔敢食多件。
晚飯，就係無乜選擇之下，又去左 Isaac 食。講真，濟州之旅，真係無乜特別好吃的，有時，唯有求其食間係左近的⋯⋯ISAAC。食完呢餐，翌日，我地就一早起身，坐機返香港了。再見濟州，十年後再黎過。
沒有留言:
張貼留言