濟州之旅 DAY 4 （中）－－牛島峰

12 Apr 17 之前講係人氣雪糕店隔離間餐廳食飯⋯⋯所謂既人氣雪糕店，就係呢間～～多人到爆。點解媽媽選擇排呢間？

MENU好似無乜特別⋯⋯

特別在呢位唧雪糕的哥仔，唔駛五秒已經好快手好用心咁砌出一杯卡通雪糕。

幾咁CUTIE。

Claire: 好靚呀～～ 

Isaac: 我個杯好似無咁吸引既～～

 兩兄妹係連續排隊買既，可以咁快砌到兩杯出黎，抵佢排長龍。至於雪糕嘛，係唔錯的，因為天氣太熱，所以都唔會太講究，總之有杯雪糕已經夠我地降温了。

食完雪糕，我地出發往牛島峰去～～～上到一半，後悔都黎唔切⋯⋯主要係太熱、太熱同太熱。之前兩日凍到暈，估唔到呢日太陽伯伯好落力咁曬住我地，行上山除褸又唔係，唔除又熱，唉～～

上到三分之一的階梯，回望一下，好靚呀～～仲未到最熱一刻，仲頂到。

牛島峰係牛島上最高的山峰，如果唔計個太陽威力，其實真係值得捱下呢條無邊際的梯級，爬上去嘆一下美景的。

真心服左佢地，咁熱仲要揹住厚褸。

幾經辛苦，終於爬到有停留的地方，好喘氣呀，太陽伯伯，你可唔可以休息一下？一望無際的海洋，係旅行必有的景色。

終於望到我地早上既停留點了。藍色小屋就是剛才那個賣活海鮮的小販。

明明係好熱好熱⋯⋯但強風又令到媽媽唔想除帽⋯⋯

Claire: 媽咪，你應該好似我咁，除哂一身輕吖嘛。

呢兩兄妹既POSE，點解兩張都咁⋯⋯

這個表情，大殺風景。明明是藍天白燈塔，好浪漫的⋯⋯

Claire: 嘻嘻⋯⋯咁呢個樣呢？夠唔夠可愛呀？

我地頂唔住太陽既熱力，爸爸影完幾張相，就話落山了。但點解明明熱到成身汗，呢兩兄妹都仲可以跳跳紮跑落山既呢？

開始下樓梯了。好快又見到山下等我地既婆婆呀。

落左山，原來我地遊牛島的時間，差不多三小時了，夠鐘還車呀～～～兩兄妹戴哂頭盔，準備等爸爸車佢地出返碼頭。

至於媽媽同婆婆，就唯有等環島巴士（要行返去落第一個站個度呀，嗚嗚，咁熱，真係唔想行）繼續旅程返出去碼頭（巡環線）。原來環島巴士第二個站，係呢個灘。可惜時間關係，媽媽只能遠遠影相，無時間慢慢欣賞⋯⋯趕住要出碼頭會合爸爸他們呢～

我地去到碼頭，已經見到人龍在排隊。經過今朝經驗，我地都知，排隊就可以上船，唔駛等整點先有船開架⋯⋯ 來回兩趟船程，好多韓國人都自備食物餵海鷗，所以，我地見到成堆飛黎的海鷗，好壯觀。