剛踏入20週, 又是時候到巫醫生診所照結構了.
之前仲未知係仔定女, 因為四個月時, 細 B 夾實對腳唔比人睇. 今次可能聽爸爸話, 一去到照超聲波, 細 B 竟然用雙手...無錯, 係雙手, 一手一隻腳咁抬起, 仲要對脾係朝天, 等醫生好清楚咁望到, 話比爸媽知, 原來細 B係囡囡.
照完脾仔, 爸爸話細 B 梗係怕羞啦, 因為擘大脾咁核突, 所以細 B 對手....無錯, 又係雙手, 即刻一齊遮住面仔. 仲要一個鯉魚反身(睇住佢係媽媽肚內反身), 跟手好快咁塊面仔貼住個胎盤, 唔比醫生睇到佢五宮. 爸爸話, 細 B 梗係覺得羞羞, 所以抬完大脾要遮住面仔喎. 但呢個佻皮性格, 令媽媽覺得佢出世後性格應該似爸爸囉.
坊間流傳成日話陀仔皮膚差陀女皮膚好, 媽媽身體力行証明係錯架囉. 媽媽陀兩胎都一樣, 無特別差無特別好. 仲有就係呢胎都無水腫, 唔係人地講到話陀女腫到連個鼻都腫埋咁樣衰. 至於肚形呢, 暫時五個月, 媽媽自己就覺得同第一胎一樣, 向前集中形, 唔係人地講既陀女係橫肥橫向個肚咁撐大. 到今日, 同事依然都係同第一胎個句一樣, 背面睇完全唔知媽媽係大肚婆. 當然呢個唔知可否維持到放產假個日啦. 陀Isaac仔時, 放產假之前一日, 同事都仲係話背影係唔覺大肚的. 唔知呢胎又點囉.
又係時候要諗定細 B 叫乜英文名了.
細B生長狀況
6wk 2d 0.57cm
10wk2d 3.40cm
11wk2d 4.50cm
11wk6d 5.24cm
17wk1d 6安士
20wk1d 13安士
因為你好叻控制飲食囉..所以先可以駝b 駝得咁靚, 係後面睇都唔覺你駝仔囉 :p 你而家駝第2 胎有冇戒口呀...半夜去廁所會唔會去得好密?.
回覆刪除[版主回覆11/22/2010 20:42:00]無戒口呀, 夜尿由DAY 1 已經有, 同第一胎一樣.
我嗰時陀到八個月先開始腫脹肥o架....haha
回覆刪除羨慕中~~一仔一女~~我都想生多一個 可是老公不想我生了
回覆刪除你好呀！我剛剛看到你第一胎在屯門母嬰院的經歷後十分之有共鳴！（我都是受害者，但是被姑娘糟側）我現在是第一胎17w的！我想問下你去邊到照結構性超聲波(Oscar)？同幾週大才照呢？唔該您
回覆刪除[版主回覆01/10/2011 09:32:00]而家17wks 未必排到照oscar 呀, 因為我照開個位好full. 你可以問下你個醫生有無refer. oscar 係廿周照的, 我一有左即打去book架啦.