Kid's City @ 澳門

31 Oct 10 呢朝食完早餐, 問爸爸去威尼斯人好吖, 定Kid's City 好. 廿四孝爸爸話去Kid's City 喎, 都幾貴架, 但爸爸請架嘛, 所以照去.

一去到, 離遠已經見到泡泡機, 嘩, 阿仔即飛奔過去啦.

Isaac: 嘩, 從未試過無止境咁多泡泡架.

興奮到阿仔不停咁跳.

用手捉到厭, 阿仔索性用腳踢泡泡

再學埋爸爸用口吹泡泡                         Isaac: 我呼................

成兩百蚊無理由入黎呢個咁細既city 玩泡泡架嘛, 所以媽媽叫爸爸捉阿仔玩其它野啦

一齊玩滑梯

呢條滑梯好刺激架, 雖然唔高, 但勝在夠跣. cher 一聲已經 cher左落黎, 阿仔一個人cher得不知幾興奮.

成地馬仔, 阿仔逐隻騎

仲忽然kiss 其中一隻tim, 好搞笑

Kid's City 真係無乜好玩, 唯有玩下串珠

又擰下呢個.

玩到悶, 連樓梯都唔放過

Isaac: 我練上樓梯好過

Isaac: 再試下自己落

Isaac: 中場要休息下先

真係無乜好玩, 媽媽叫爸爸同阿仔試下呢塊懶係攀石既野啦, 對歲半既Isaac黎講, 都幾高難度, 因為膠係跣的. 扶手又滑.

玩左好耐, 再去一角爬下, 阿仔做體操中

Isaac: 完成. 岩岩個動作滿分無呀?

落返黎, 爸爸引阿仔捐呢個隆. 阿仔咁錫媽媽, 扯住媽媽要一齊捐. 廿四孝媽媽雖然懷孕, 不過都試下捐啦, 又比媽媽成功過到喎.

好悶咁捱左個半鐘, 多謝兩百蚊. 真係去playtown 好玩好多囉, 至少個半鐘時間, playtown係好快過. 但呢度, 就係要不斷咁重覆玩同一樣野囉. 如果係其中一個父母去隔離個賭場, 小朋友可以比佢地黎呢度消磨下既. 但特登黎就真係無下次 lu.

臨走, 一家四口.....連媽媽肚裡四個半月的小 bb, 一齊影家庭照. 呢日係爸爸講左成兩日話要著家庭裝, 一齊著白色衫. 照出黎又真係幾似家庭照喎.