30 Oct 10 出發去澳門前, 先去附近食個早餐先, Isaac又同我地一齊食早餐
Isaac: 媽媽你今日請假陪我呀?
人仔細細但要迫人買全票囉, 唔明點解一歲後要買全票, 其實阿仔成程都係坐我地大脾架啦
Isaac: 係囉, 我坐左落去, 顯得張凳好大咁
本來阿仔都仲可以好乖咁坐係媽媽大脾, 殊不知比佢發現新玩意
一落船我地去左酒店check-in, 之後都係時候醫肚了....難為阿仔過哂鐘食lunch tim
先打的去到老年咁遠又隔涉的青州, 食豬扒包. 皆因幾年前成日捧場既大利, 印象中係越食越難食, 所以今次改去食青州豬扒包算.
呢間豬扒包好地道....地點仲要地道到不得了, 鐵皮屋一大間, 出面係石春地咁上下既石頭地, 爸爸好不滿, 話下次唔好再揾呢 d 地方食野了, 帶住小朋友好唔方便喎.
爸爸話好抵食既水餃菜面.
阿仔勉為其難陪我地食呢間鐵皮屋, 半份三文治當午餐. 媽媽有點担心唔飽呢.
Isaac: 唔.....你又偷影我
下次去青州劉記食豬扒包, 真係要查定巴士路線, 因為好難難難難截的士. 我地仲要比當地人點錯左巴士, 要中途落車再轉另一架巴士. 爸爸塊面黑到呢......話以後唔好再搭巴士. but 真係無的士, 無計喎. 再唔係下次包車, 最方便, yeah.
經過大半日既頻撲, 阿仔係巴士到已經伏左係媽媽心口瞓著左. 我地就趁阿仔同周公捉棋時, 拿拿聲走去食糖水. 唔係一陣阿仔醒左, 又要爭食
又係因為食左好幾年杏香園糖水, 今次特登揾間新既黎試下. 叫甜香園麥師傅甜品, 其實係揾唔到佢係邊囉, 諗住都係要食返杏香園時, 忽然見到甜香園既招牌.
幾好味又唔太甜既南瓜龍眼馬蹄沙, 爸爸叫左個蓮子合桃糊, 背景係同周公捉緊棋既阿仔
差唔多KO哂糖水, 阿仔醒左, 時間岩岩好. 就帶佢去附近既議事亭同大三巴影下到此一遊照啦.
未瞓夠既阿仔同好想瞓既爸爸
一見到咁特別既地, 阿仔又忘記左爸爸媽媽, 一個人係咁行行行.
好辛苦至叫到阿仔停一停, 擰過黎比媽媽影下相先.
Isaac: 岩岩西斜呀, 唔好影啦, 咁曬.
玫瑰堂前又要同阿仔影返張先
Isaac: 媽咪, 你大肚唔好踎低同我影相啦. 我唔鐘意呀.
行去大三巴見到潘榮記, 其實之前去好多次澳門都無幫襯過佢, 因為知呢味唔係我杯茶. 不過諗住應該岩阿仔做小食, 鬼叫佢午餐食咁少, 真係怕佢餓親, 唯有排隊買一包
原來係炭爐燒的
新鮮熱辣的潘榮記, 可惜阿仔臨瞓想食, 唔小心跌哂落地. 呢包十元既餅, 減左係大三巴食個兩塊, 應該有八元係餵左酒店塊地毯食囉.
大三巴條樓梯塞滿哂人, 唔知呢日乜日子. 我地行斜路上去算, 原來仲好, 可以影到成個大三巴又無人擋住
Isaac: 我咁側少少身咪可以影得哂成個大三巴囉
上到大三巴, 阿仔勁high, 走上個玻璃蓋面係咁跳舞, 不過當媽媽想錄低時, 又無再跳了. 只係拍到佢"凳"下"凳"下咁跑既樣, 好可愛. 但套衫好似晨運阿伯咁既.
沒有留言:
張貼留言