滿足食程 @ 澳門 day 2

31 Oct 10 晨早, 我地去到新馬路好隔涉既後巷, 去揾南屏雅敍. 真係好隔涉, 仲要個司機係噴水池掉低我地, 好在一向擅長帶路既爸爸, 好快揾到方向, 係後巷揾到呢間南屏姐

咁辛苦黎到, 其實係想比阿仔食旦治做早餐架咋

 已經KO左一份超厚旦治, 唔夠喉, 再黎多份火腿旦治, 你睇火腿都好厚. 阿仔不負所托, KO左大半份旦治. YEAH. 可能係炒旦溝左鮮奶去炒, D 味係

媽媽一入南屏, 見門口成座山咁多既大大件沙翁, 好似好吸引咁. 都唔理係早餐囉, ORDER左一個, 好好味呀, 老老實實, 仲好食過泰昌. 泰昌係名過其實, 但呢間, 好香旦味仲要無乜油咁. 一大個自己食哂. 呵呵.

食完兩份旦治加沙翁, 媽媽話要去買何開記既白糖糕喎, 又係爸爸帶路. 晨早流流我地已經行左唔知幾多路了. 終於又係條後巷橫街見到何開記, 一口氣好貪心咁買左五舊

每舊得咁細架咋, 可惜阿仔一啖都唔肯食, 激死. 白糖糕好食程度係同坤記有得揮. 好味好味.

下午去完kid's city, 我地又返酒店附近食. 今次食加米路葡式美食, 門面好細好似好up dump咁. 但原來有兩層.

order左西班牙海鮮焗飯, 炸馬介休球

同埋燒沙甸魚.

爸爸媽媽掃清哂三碟, 好好味. 始終都係近西餐口味岩媽媽多 d. 早知之前個晚去呢間食好過啦.

臨走, 媽媽話, 今次去澳門食少好多野呀........所以, 爸爸點都陪媽媽再坐的士去食葡撻, 一人兩件, 阿仔食個件提子旦糕

但就為左呢餐葡撻, 我地又差 d 趕唔切搭船返香港囉. 係just make it, last min 至飛到去閘口入閘過關.

總括而言, 兩日之行, 呢日算係最好食既一日了. 謝謝爸爸請我地去澳門喔.