21 Nov 10 呢日行程係奈良同宇治, 本來諗住係好hea 咁hea下呢兩處地方, 所以無set 死時間係奈良走. 卒之就賴野, 係奈良餵完鹿後, 爸爸見都未到12點, 就諗住比大家繼續行下公園裡面d寺啦. 點知個寺大到乜咁, 淨係行到寺既入口都嘥好多時間, 但又返唔到轉頭, 兩頭唔到岸, 唯有係寺裡面揾short-cut 走返出去搭JR. dou左好耐至出返駅, 嘥哂時間, 出到駅都成三點幾囉....仲要係沿途我地只係好單純咁行, 無停低睇寺睇景. 下次去奈良, 真係餵完鹿就要走, 因為近鐵駅往奈良條路, 仲靚過特登dou 入寺囉. 但我地無時間, 唯有快快腳咁走過就算. 不過錯有錯著, 係寺出面間面亭, d 烏冬係呢個旅程最好味既, 因為係煙靱個種. 之後係錦巿場同梅田地下街食個 d, 簡直係香港地道淋pei pei 既烏冬黎.
晨早去到奈良站, 阿仔就同呢個公仔影相, 其實唔知係乜黎
我地去奈良公園係經商店街, 見到中谷堂梗要買黎試, 好在食左姐, 因為回程係行左出面另一條路走, 唔經中谷堂囉.
呢舊菓子好煙靱. 不過買到返香港實無咁好食啦, 所以我地只係即食就算.
入到公園, 爸爸最興奮. 點解? 因為爸爸兩三年前已經話要去奈良餵鹿. 今次終於完佢所願喎, 仲可以抱埋寶貝仔一齊餵, 點會唔開心
阿仔幾咁安全, 餵鹿都要另一隻手抱實爸爸, 怕跌落地.
Zac Zac 一家一齊餵鹿.
阿仔餵鹿餵上癮, 餵完一包又一包, 果然有爸爸遺傳, 一點都唔驚鹿. 只係唔鐘意dirty 口水, 一比鹿送左啖口水, 就咦咦聲要我地幫佢抹返dirty 口水.
一家四口家庭照, 見媽媽著短袖就知呢日係幾咁唔凍. 經過兩日經驗, 媽媽呢日好大胆咁只係著一件短袖就算
d 鹿食餅食得好快架, 唔駛五秒同你食哂成塊餅. 阿仔比媽媽想像中厲害, 因為媽媽都好驚餵動物, 反而阿仔唔驚喎
媽媽: 你隻鹿唔好撲埋Isaac度呀
呢度就係頭先講個度, 近鐡出黎往奈良公園條路, 其實仲靚過奈良公園入面囉. 遠望仲有好多紅葉, 可惜已經三點幾, 無時間再入去影相. 其實媽媽好想索性取消去宇治, 反正咁晏不如留埋係奈良影相算.
玩完奈良鹿, 兩隻細路坐車去宇治時已經大昏迷.
成四點幾五點至去到宇治. 一落車已經天黑咁滯, 太陽都落山了, 幾咁無癮
我諗早少少黎, 呢度應該都幾靚.
反正都天黑, 去到宇治死人都要食伊藤久衛門既綠茶甜品, 因為宇治最出名係綠茶. 點可以唔食呢度出名既甜品屋. 平等院店老早關左門, 唯有去本屋, 去到話要等廿張枱around一個鐘.......唯有企門口吹住西北風買雪糕同手信出去即食
要認住呢個樣, 呢盒野好好好好好食, 季節限定架
盒面
裡面有士多啤梨. 好香士多啤朵味, 整體呢粒菓子唔太甜但好好味. 不過要三個鐘頭內食哂, 所以又係無得做手信既
基本上去到伊藤, 爸爸係大肆掃左唔少綠茶甜品手信返香港, 到目前為止媽媽食左好多, 可以話係入到去合埋眼只要係綠茶既都係必買囉. 隻隻都好香綠茶味, 尤其係綠茶糖同埋一隻叫綠茶朱古力餅. 不過綠茶旦糕只係當手信比哂人, 無食過, 但佢既綠茶和菓子都好正架喎, 我地買左幾粒自己食.....但無綠茶餡既可以不買, 因為有隻粟子和菓子, 太甜了.
可能西北風夠大, 阿仔吹到醒左. 爸爸就餵佢食綠茶雪糕
係宇治食完綠茶甜品, 又打道返梅田. 求其係附近揾個地方食晚飯算
Isaac: 你做乜影我地拖手呀?
食完晚飯就繼續食Zac Zac 媽媽比既提子乾. 睇佢食得幾認真
我見到你抱阿仔~~大肚~怕不怕??
回覆刪除[版主回覆12/04/2010 00:43:00]怕唔到咁多, 鬼叫自己仔咩