大阪城.黑門巿場.天王寺 @ day 2

20 Nov 10 呢日係成個行程最遲起身既一日, 可以跟返香港時間七點幾至起身. 所以一起身, 阿仔古靈精怪係度玩. 玩乜? 咪就係見媽媽幫佢著左件心口有隆既衫, 係咁伸手入去自摸又狂笑.

Isaac: hmmmmm, 點解呢度入風既, 等我用手塞住佢先

Isaac: 咦, 唔好影人啦, 咁肉酸

九點幾十點出發去到大阪城睇紅葉, 天氣可能未凍, 比想像中好少紅葉, 有點失望

呢兩棵係黃色既葉, 個時睇好靚, 但影返相又麻麻地喎.

大阪城裡面個寺, 好多人上左去, 不過推住阿仔, 無謂上啦, 又的車仔又要抱, 會死人的.

媽媽爸爸和五個月肚仔既細 b 合照

Isaac 就同 Zac 好一致咁培養緊情緒揾周公, 所以成個大阪城, 媽媽都無同 Isaac 影相.

Zac: 我仲未瞓著架, 我只係專心咁吮緊手指同食緊老虎

大阪城唔係好大, 好快就到此一遊. 跟住我地要去黑門巿場, 為左食刺身當早餐, 所以要早 d 去, 因為怕晏左會close 哂

去到要係呢間高橋買返支杰到無得再杰既豆漿, 其實似糊多 d 囉. 阿仔開頭搏哂命咁飲, 飲飲下都唔飲 lu, 可能真係太杰

經媽媽不停係爸爸耳邊催眠, 爸爸終於肯入海老大榮買刺身黎食. 好在媽媽不停咁哦咋, 因為成個旅程, 爸爸只係食左呢度咁少既刺身....sorry, 係三個大人一齊share, 媽媽偷食左其中三塊姐. 爸爸後黎話唔夠喉喎, 講笑話要人係大阪再hand carry 比佢做手信

本來預計lunch 去食和牛, 所以大家都留肚唔狂掃刺身. 點知間和牛呢, 行左近一個鐘頭都揾唔到. 問左兩個路人都點錯哂路. 打電話去問, 原來已經岩岩過左人地last order 時間.....oh no, 行到腳都軟竟然要係附近求其醫肚. 真係失敗呀.

揾路揾到腳仔軟, 跟住仲要去埋天王寺睇紅葉.

廿四孝爸爸同埋又瞓著左既阿仔, 做乜呢日去親景點都揾周公架

爸爸: 隻河馬近睇都唔靚既

温室裡面既聖誕花. 成個旅程都無同阿仔影聖誕背景既相 tim

係天王寺坐到關門. 跟住又坐車去心齋橋, 因為晚飯會係呢度食壽司. 係心齋橋又係行到腳軟, 因為條街實在太長, 我地一行四個大人淨係揾鋪頭都白行左唔少路, 除左入一間鋪頭買 bb 水外, 其它鋪頭都已經係唔入, 但都用左唔少時間囉

買完 bb 水, 回程去揾本福壽司時, 見到呢間puff 店, 買左個蕃薯味試下. 個餡係幾有蕃薯味既, 不過個皮係硬硬地脆脆地, 同香港個 d 唔係好同

行足成日腳仔都軟哂, 呢餐終於比我地揾到. 食本福既壓箱壽司. 係幾好味架喎, 媽媽第一次食咋,

仲未攰到出面既兩家人, 依然可以笑得出囉......不過兩位爸爸好似笑得好勉強喎