檸檬薏米水 (附食譜)

阿仔鐘意飲檸檬薏米水, 早兩日醒起屋企仲有兩個檸檬剩, 不如買五元生熟薏米煲一煲佢. 又可以去濕熱, 加埋岩岩幾日都幾熱下. 消哂暑.

份量:
生熟薏米  五元
檸檬汁及檸檬肉 共一個
冰糖 適量

五元生熟薏米有咁多, 用飯碗裝住影相比大家睇下份量.
煲佢之前, 要浸佢一個鐘再沖洗下D污糟野.

媽媽用左 2 公升水煲呢五蚊生熟薏米, 上網食譜就寫十元就用三個檸檬加適量冰糖. 不過當煲左一個鐘時 (如果水滾起計, 煲佢45分鐘就搞掂, 係咪好快?), 加左小小小小既冰糖 (因為家有兩個小朋友, 唔想太甜), 跟手倒左一個檸檬汁加檸檬肉時, 發覺好酸呀~~~~~所以, 坊間寫十元用三個檸檬, 即五元用1.5個檸檬, 咁我估, 仲更加酸, 變相要落更多糖去調味.

所以, 我落左一個檸檬汁就收手, 再落冰糖調返味.
煲埋, 一家四口, 真係一人一杯, 多杯都無. 下次都係煲返十元好點. 起碼可以當水飲 (話就咁話, 但始終落左糖, 都怕肥架) 如果無小朋友, 我估我就咁加檸檬汁算, 一點糖都唔落.