自由野2013 （Isaac篇）

14 Dec 13 呢日我地去Isaac 同學介紹的新節目地方， 就係自由野。不過撞正落雨又返風， 所以好少人。

Isaac: 媽咪， 我地黎呢度係咪玩沙架？

 因為入口有塊石地， 卒之Isaac 踢到對新鞋花哂。真係無眼睇。

Isaac: 等我又練下打鼓先。

我地仲玩左個新奇刺激既遊戲， 就係蠟畫。Isaac 覺得好神奇架， 睇下， 幾咁專心拎住幅自畫畫， 等支蠟燭滴蠟落黎。

咦， 呢位小朋友做乜呢？

Isaac: 我爬緊網吖嘛。

 自由野好多設計玩意。最得意，就係呢個聽筒。聽得好清楚對邊人兄講乜架。嘩卡卡。

不過可能Isaac 鐘意玩呢個掉垃圾多D。因為可以踩然後睇住搖搖板個邊既垃圾飛去邊。好搞笑。

至於呢個淋油玩意， 真係玩十次都唔夠。 次次都玩到唔願走。其實有乜咁好淋呢可？

雖然自由野好遠， 要特登去到九龍站。不過， 當比小朋友見識下平時無得玩既玩意， 都幾值得既。尤其係有馬戲團睇。兩兄妹都大喊好好睇呀～～～咁就值了。