屯門社區自然遊戲日2013

29 Dec 13 呢日本來諗住一食完飯就出去巿中心公園玩個自然遊戲日。點知兩兄妹慢吞吞， 搞到成四點至出去玩。人地就收五點。都好。玩一個鐘人地收檔就走， 唔駛兩兄妹依依不捨叫極都唔願走。

一去到， 就比呢個掟草玩意吸引左。

之後， 走左去畫面具。好專心喎， 其實Isaac 鐘意畫畫定唔鐘意既呢？ 一時又話鐘意一時又話唔鐘意， 真係比佢玩死。

Isaac: 估下我係邊個？

 呢日係自然遊戲日， 又見到呢款玩意。自從係學校學打鼓後， 出到街見到呢D， 就會打返學校教既節奏出黎。

以前第一次見呢D玩意， Isaac 都會玩到忘形。但今時今日， Isaac 係咁椅過下癮就算架啦。

嘩， 有竹滑梯玩呀。不過 Isaac 生得高大， 呢條竹滑梯對佢黎講， 其實好似短左DD囉。兩下就到地了。可能係咁， 佢唔係咁雀躍玩呢個。

呢輪沉迷係獨木橋既Isaac， 呢個環節就岩哂佢。

特別係忽然有條高低槓比小朋友踩。小朋友覺得好好玩架啦。

跟住仲有呢個碌波子。睇住波子由支竹咁碌落去， 平時都無得咁玩既。睇下 Isaac 幾咁入神望住粒珠就知呢個遊戲幾咁新奇啦。

Isaac: 等我又再試下先

臨尾， 我地發現左個据木區。兩母子合力出力据据据， 最後都係据唔掂， 要勞動負責既哥哥幫手。始終男人力度大D吖嘛， 哈哈哈。

我地舊木好細架咋， 据左出黎， Isaac 又話要槌釘。真係牙煙。不過睇起上黎， Isaac 好有男兒性格了。据木槌野都鐘意。成塊木板， 經兩三個鐘已經滿哂孔。皆因個個小朋友都好似Isaac 咁， 槌釘入板嘛。哈哈。