2013社區自然玩樂日

29 Dec 13 呢日， 屯門公園有個社區自然遊樂日， 住係附近既我， 加上爸爸返工。梗係要帶小朋友去消磨下時間， 比佢地放下電啦。不過兩兄妹磨下磨下， 其實我地只係去玩左一個鐘。每個遊戲都要趕鴨仔走， 至可以玩得哂。

Claire: 媽媽， 好搞笑呀， 可以掟草草架。

 Claire 好醒目， 怕比人掉到成身草， 索性小心奕奕咁拎住D草行埋一邊， 自己玩。

Claire: 最緊要同人保持距離， 咁就安全啦。

Claire: 哎呀， 失左手， 比人掟到呀～～～

 呢個自然遊戲日，係利用大自然既野造玩意， 比大家玩。其中一樣包括呢個塞酒塞。Claire 好專心， 唔介意坐地下玩。

至於呢個樂器， 出親街玩都成日見， 對Claire 黎講， 都唔係新奇了。

最刺激就係呢條竹滑梯了。平時真係邊度揾比佢呀。

Claire: 嘩， 我SIR落黎囉～～

 無啦啦， 見到呢個報紙搓成既波。原來咁都可以玩一餐。Claire 不知幾咁鐘意拎。

扁哂咀， 皆因哥哥走左出黎， 拎左個接波用既篩。

Claire: 繼續執波先， 唔理你

 其實社區大自然遊樂日， 有好多平時無乜點玩既玩意。好似呢個碌波子咁。全部都係現成大自然揾到既遊具黎。媽媽諗， 婆婆個代既童年， 都係揾呢D生活上既野黎做玩意架咋。但呢種玩意， 對現代小朋友黎講， 簡直係神奇又新奇。