兄妹情深

26 Dec 13 Boxing Day 無特別節目。所以我地一家四口黎濕地。不過呢日超多人呀。真係擠擁到呢。

好在我地都可以玩到三次遊戲室姐。因為爸爸每次都無一齊入去， 企係出邊排隊拎飛。

Isaac: 好野， 又有得玩。

Isaac: 阿妹， 我地不如試下坐住上去吖。

 次次黎呢個濕地遊戲室， Isaac 都抗拒媽媽捕住佢影相。所以呢日成日整古媽咪， 呃媽媽去第二條滑梯等， 點知佢又走左去另一條SIR， 目的唔比媽咪影佢SIR出黎個下。好在媽媽都影到幾張SIR出黎個樣姐。呢張係其中一張怒目相。哈哈。

Isaac: 我都話唔好影囉。

Isaac: 妹， 等我推你上去吖。

 好哥哥又出現， 不停咁保護妹妹。

 呢個哥哥真係錫妹錫到妹妹燶。

Isaac: 等我抱起你吖。

 再黎多個SHOT。

Isaac: 阿妹， 你好重呀。不過我實抱到你既。 

Isaac: 到啦阿妹， 快D再SIR多次滑梯吖

Claire: 哥哥， 你係度做乜呀？

苦埋泡腮做乜呢？原來係要影佢心口個兩個自製襟章比班主任睇喎。不停話媽媽做個襟章靚過佢。笑死。媽媽就話， 咁你下次咪畫靚D囉。

Isaac: 我碌碌碌碌。。。。

黎咁多次濕地， 自從Isaac 剛學行黎過呢塊草地後， Isaac 都無再黎過。難得今次黎濕地， 可以行遠少少， 見到呢塊草地，我地停低， 比Isaac 又放下電先。

Isaac: 好好玩呀。

Isaac: 有怪獸呀， 去打怪獸呀。快D， 唏～～～

Isaac: 阿妹呀， 我地大個左， 會唔會仲咁好感情架？

如果呢兩兄妹，以後都咁好感情， 媽媽就滿足了。

Isaac: 咁你快D 影多D我地合照啦， 等我地大個左， 都可以睇返回味下以前咁FRIEND吖嘛。

Isaac: 好舒服呀， 瞓係度， 如果夜晚係度瞓覺就好了。

Isaac: 阿妹，好似我咁碌上去吖， 好好玩架。

卒之Isaac不停咁碌上碌落。真係難得， 對於我地城巿人黎講， 放假真係要放鬆下既， 尤其係而家小朋友壓力咁大。碌下草地瞓下草地， 個人可以好RELAX架啦。