終於玩到氹氹轉＠冒險樂園

1 Jan 14 呢日又去好同學生日會。連續幾次都係去冒險樂園， Isaac 去到熟哂。不過次次都未坐到呢個氹氹轉， 新既一年， 終於摸到撓門， 坐到唔跌了。笑到Isaac 見牙唔見眼。

一坐到唔跌， 就學人做高難度動作。Isaac 你真掂。

Isaac: 好好玩呀， 但點解爸爸無望住我既。

 除左個氹氹轉， Isaac 仲好鐘意呢個波波池。係都要拎住咁多野SIR落波波池，真係牙煙。

玩完食旦糕， 唔知呢件旦糕好無味呢？？？

開完餐， 又黎排隊拎紀念品。排隊都要玩餐飽， 呢個Isaac 真係．．．

Isaac: 唉， 到正經時間， 我就會變得好正經架啦。

 

Isaac: 到有需要時間， 我又會變身好哥哥， 照顧阿妹啦。我其實係變身超人黎架。

Isaac 成日都話要黎呢度開生日會。不過媽媽同佢約法三章， 要朝早起身返學前要快手出門， 如果起身之後30分鐘搞掂所有野， 就可以開生日會。諗諗下30分鐘好似有難度， 所以媽媽暗地裡計時係40分鐘。暫時 Isaac 都叫有進步了。希望可以越來越快手啦。