自由野2013

14 Dec 13 呢日我地登記左自由野活動， 點知大慒媽媽只係登記左一次。去到九龍站， 至再睇到EMAIL寫係每次登記只限一人。懷住唔知有無得入場既心情， 行到去即場登記， 好在無乜人， 可能落緊毛毛雨。所以我地重新登記即入場玩。

落雨都無損小朋友玩既心情。睇Claire 笑得幾咁開心。

Claire: 嘩， 好好玩呀D雨。

Claire: 等我試下扮大戲先， 反正件雨褸咁大件。

Claire: 媽咪， 睇下我執到幾大條草！

 自由野原來都幾多買賣攤位， 不過落雨都冚哂布。無得睇。我地冒雨玩設計學生設計出黎既簡單玩意。對小朋友黎講， 都好新奇架啦， 因為平時巿區無得玩呢D吖嘛。

 呢個繩網都好得人驚， 要大人睇實至得。因為條麻繩好幼， 媽媽見到， 好驚失足會COOL到頸仔。不過Claire 唔係玩網， 而係向網邊執野。

Claire: 媽咪， 睇我執到幾多花。

 咁多個玩意， 兩兄妹最鐘意幫呢個藝術作品淋油。

Claire: 媽咪， 我淋得靚唔靚呀。

 其實黎自由野， 媽咪目的係想睇呢個馬戲團。所以一夠鐘， 就埋位睇。好在都有個開揚位， 兩兄妹唔駛比人遮住。呢個馬戲團真係好睇好緊張呀， 唔係轉碟個種， 而係高難度既高空動作。

呢個女人最令媽媽緊張， FING到好似近距離洗衣機咁。媽媽真係心驚膽跳。

呢位女士係360度咁周圍轉， 真係頭都暈呀。如果下年都有自由野， 媽媽都覺得值得帶兩兄妹出去見識下既。如果唔落雨， 就更加好了。