與N班同學開P

27 Dec 13 呢日， 我地約左Isaac N班同學仔開P。有部份成兩年無見， 真係考起細路仔邊個打邊個。不過唔緊要， 堅強的Isaac唔理比人排斥（只係比其中一個女仔縱容其它朋友仔一齊排斥Isaac）， 一於自己玩。

Isaac: 唏， 等我去救火先。

 無啦啦拎左個喇叭出黎咬。後黎有姨姨話呢個玩具其實好污糟。OH MY GOD～～～

Isaac: 等我坐下千秋先。

之前坐呢架千秋， 仲係讀N班。估唔到而家牛高馬大， 仲坐得落喎。

原來睇返兩年前張相， 點解好似髮型無變， 同埋無高到咁架， 哇卡卡。

Isaac: 唏唏， 我仲可以玩得好開心架。

 玩玩下， 忽然又一個人呢係間網屋到玩波。

 跟住又係玩到癲左。冚住自己個頭。媽媽真係無眼睇。

臨走， 我地交換埋禮物。不過呢次係用猜拳頭再抽波去拎禮物。真係夠哂複雜呀。

皆大歡喜， 人人有份。估唔到呢張相係最齊心影相。

臨走， Isaac 仲要黎多轉烈火戰車。不過點解女仔坐前邊既？

Isaac: 等我黎渣啦， 渣車呢家野， 都係男仔叻D架嘛。

雖然係比個女仔排斥成日打Isaac， 不過Isaac 呢日都好開心。走個時仲猛咁話要再黎過。唔知之後會唔會再玩返密D呢。