誰大誰小？

Claire 同 Isaac 有時真係唔知邊個大邊個細。好似有時食飯咁， Isaac 邊玩邊食；Claire 就埋頭苦幹咁不停食， 邊眼尾哨下Isaac， 然後就報寸：哥哥掛住玩呀！

Claire 最鐘意接 Isaac 放學，成日一見 Isaac 完左課堂， 就好主動好似阿媽咁，即刻拎哂 Isaac 支水同毛巾比 Isaac 飲， 同埋真係試過幫佢抺汗架。笑死。

 好似呢日咁（其實摷返好耐之前既相了）， Claire 接 Isaac 放課外活動堂， 一見 Isaac 落堂， 即刻係個袋拎條毛巾幫 Isaac 抺汗。最抵死係， Isaac 好似老溤咁。救命。

Claire: 媽咪， 我幫哥哥抺汗呀。
Isaac: 你幫我抺啦，我都唔識抺。

Claire: 哥哥， 你飲水吖。


按此看又一掉轉身份VIDEO

係咪好搞笑呢？ 有時真係唔知呢個係咪男女天生大不同既性格。點解有時好似兩兄妹身份掉轉左咁架。特別係睇見佢兩個開餐， 一個泥FEI到爆， 一個就食一啖抺一次咀。嘩卡卡， 就好似見到一對成年男女對自己儀容唔同既要求。可以想像 Isaac 大個後， 依然係好讓女友操心照顧既TYPE 黎；而 Claire 就天生母愛， 尤其睇見佢對BB公仔既細心照顧， 有時覺得真係好窩心。