與友團購LUNCH BUFFET 玩一天

27 Apr 14 呢日我地團購左自助午餐， 同BB班同學仔一齊去玩親子CUPCAKE。

Claire: 但我而家已經好肚餓囉喎～～～

 往自助午餐途中， 遇見大米奇， 梗要影返張相先啦。

Claire: 呢隻米奇似唔似哥哥件衫個隻呀？

 今次團購， 係朋友建議， 地點係君怡酒店。如果唔係團購， 真係唔知呢間酒店既BUFFET會有幾多人幫襯。好明顯我地都係醉翁之意不在酒， 旨在黎GATHER下姐。睇下 Isaac 幾咁開心就知。

朋友團購呢次BUFFET， 就係貪佢有得玩親子CUPCAKE。睇下各小朋友幾咁專心～～

不過所謂既親子CUPCAKE， 其實只不過係裝飾CUPCAKE而已。好在我地係約埋成班當GATHER， 而唔係自己一家人黎食， 唔係實呻笨。

不過小朋友有得食， 點都係開心既。有相為証。平時影相唧都唔笑。

Isaac: 媽咪， 我又想放朱古力片做裝飾呀～～

Isaac 製成品。

仲未夠喉， 點都要再加碼。寫字做功課又唔見佢咁落力。

Isaac: 靚唔靚呀媽咪？

最後仲要加埋生果做眼仔。

出席今次團購BUFFET的小朋友， 各自做的CUPCAKE都不同樣。

臨走黎多張大合照先。果然人材濟濟呀～～～

之後， 我地齊齊去太空館玩，途中又係見到朱銘雕刻。

Claire: 人地擺緊POSE， 你地係後邊整古做怪～～

於是Claire 索性想混埋姐姐堆。

 又真係好似有人啋佢喎。

 出得尖咀， 臨尾梗係去睇蜘蛛俠啦。不過得一舊咁大把， 好快影完就打道回府了。