生日飯。芒果脆脆

11 Apr 14 呢日係 Isaac 生日正日， 繼之前滿足左佢要求﹣﹣開生日會後。估唔到呢日又不停講要造個旦糕比佢， 因為佢要食生日旦糕～～～～～十足媽媽細個的願望， 所以， 媽媽點都會親手造個旦糕比愛子既。

除左旦糕外， 仲有一枱都係Isaac 愛食既香口野， 包括煎薯餅，菠蘿咕嚕三文魚（搏D汁都係橙汁， 所以Isaac 唔知自己食緊三文魚），焗魚柳， 同埋Isaac 新歡：鮑魚。

食飽飯飯， 仲有生日旦糕。不過遇著眼瞓， Isaac 扭計， 所以無影相。其實點解會用芒果呢？ 因為舊年開始， Isaac 成日話叫媽媽整芒果旦糕， 不過舊年就差唔多咳足成個夏天。所以成年都未整過。見佢生日又無咳， 好啦， 整下比你啦。

中間懶係野咁， 想砌個心形出黎。

可惜一拎起左個心形模， D朱古力已經無左個心形。好在 Isaac 醉翁之意只在朱古力而已（仲要有粉紅色脆脆朱古力喎）。

 Isaac 食旦糕向來鐘意多CREAM， 不過媽媽怕肥， 鐘意少CREAM。所以呢個CAKE， 咁少CREAM， 好似岩媽媽多D 囉。呵呵。

真材實料架， 超多芒果。底層仲有脆脆TIM。如果美心買， 要舊幾水。仲要食好多添加色素同化學野。而家全部自己整， 連芒果都無搽魚膠。雖然無咁令面， 不過反正自己食， 好食咪得囉。至緊要滿足到 Isaac 要求嘛。哈哈哈。