沙田文化博物館 ＋ 沙田巿公園

21 Apr 14 呢日復活節無節目， 爸爸即興話去沙田文化博物館。本來係媽媽話打算約同學仔去既， 點知爸爸話呢日去。都好， 原來去到至知， 之前SUMMER搞過既科技展無左。所以呢次我地咁遠去到， 只係可以玩到個兒童遊樂館咋。真係可惜。好在入場費只係十蚊咁大把姐。

一去到個兒童探知館， Claire 好雀躍咁周圍探索。不愧呢度改名做探知館呀。

Claire: 究竟點解會有隻雞仔出左世既呢～～～

呢個水底波， 之前第一次黎， 得哥哥捐入去， 因為Claire 瞓左覺。而家可以兩個一齊入去影相了。可惜唔係一齊望住媽媽呢！ 唔知兩隻野望左去邊～～

Claire: 點解隻碗會爛左架？？？

 平時都會玩下PUZZLE既 Claire, 呢次居然無興趣砌呢個碗。點解？ 原因好簡單， 呢度咁多野咁新奇刺激。仲邊會坐定定砌PUZZLE呢！

Claire: 媽咪， 我扮篩米呀， 哈哈。

 人仔細細既 Claire， 企埋去廚具到， 好似變左粒小矮人咁。

係李小龍同粵劇層到DOU左個圈， 食左個都幾好味既LUNCH。我地就去附近既公園放下電。

其實呢度係幾年前， 當 Claire 仲係手抱幾個月時， 黎過架啦。幾年後重遊， 感覺唔同哂。因為識行識走， Claire 開心好多；媽媽都輕鬆好多。仲記得個時黎左無耐， 周圍揾地方換片又要餵人奶。真係泥咁HEA。

Claire: 哥哥， 等埋我吖！

 Claire 好快就摸清門路， 索性做個獨立女性。真係唔可以睇少。

Claire: 死啦， 好似易上難落咁既～～～

 放左陣電， 回程往火車站， 途經一塊小草地。估唔到， 沙田巿公園都幾好環境架喎。好似同屯門巿鎮公園差咁遠咁既～～

Claire: 媽咪， 有人係草地打波呀～～

Claire: 點解我地唔帶波黎姐？

咁快， 我地就HEA左大半日了。復活節假咁又用左一日， 希望兩兄妹都玩得開心啦。