劍擊比賽（第三次）

11 May 14 呢日係母親節， 不過兩母子晨早既活動， 唔係去飲茶， 而係去劍擊比賽。一如以往， 等了又等， 至到我地出場。

登登登凳， Isaac 對正鏡頭， 開頭打得幾好架， 仲三比二打贏TIM。

ROUND 1

好似好有勝算咁。

點知ROUND 2 遇著強勁對手， 掉返轉 Isaac 輸左一分。

                   ROUND 2

跟住最後一輪， 真係激死媽媽， 無啦啦同人去耍劍咁。唔知係咪 Isaac 開始慌， 所以最後一次， 就搏哂命咁打劍。ROUND 3

因為我地初賽入唔到八強， 所以， 等了又等， 等左好耐好耐， Isaac 悶到發慌， 唯有悶中作樂。

等到差唔多中午， 爸爸來了， 知道 Isaac 輸左， 同人耍劍， 所以拉大隊走人。不過唔緊要啦， 我地之前都有張優異奬証書， 都唔需要咁多相同証書。雖則媽媽覺得點都要繼續留低， 以示體育精神。ANYWAY， 呢次我地又學識多一樣野， 就係媽媽成日講既： 要學識輸。今次， Isaac 好清楚知道， 自己今次係輸了。亦都因為咁樣， Isaac 好明顯多識左一樣野： 就係要專心比心機練習。自此之後， Isaac 係屋企都好肯練步伐， 亦都知道乜野叫防守後退；而唔係打劍。

種種種種， 在媽媽眼中， 呢役唔係輸左， 只不過係一個新開始。我地都學左接近兩年劍擊， 睇在眼中， 媽媽覺得 Isaac 而家至開始領悟到劍擊要點玩。旁人可能覺得用左兩年至醒悟，好似太遲。不過， 諗返 Isaac 因為年紀太細就開始玩劍， 相比人地K2至開始玩， 小朋友相距兩個月都可以發展有差別， 何況相距咁遠，Isaac 而家至係K2， 所以， 還有大把空間可以比佢進步。媽媽只會用佢年紀黎考慮， 而家茅塞頓開，一點都唔遲。亦都係因為此役後， Isaac 對待練習既態度， 媽媽覺得比當日比賽得奬更為重要。所以， 媽媽同 Isaac 講， 我地離成功又近一步了， 因為， 失敗係成功既媽咪黎架 （順便軟性教佢：失敗乃成功之母。的成語）

Isaac 繼續努力呀。