生日會旦糕。CAKE POP。朱古力脆脆小食。造型棉花糖

繼整完牛牛棉花糖棒比仔仔帶返學校比同學後， 休息左一日， 跟住捱哂夜（整到成凌晨兩點）開始趕工整仔仔生日會既小食。都話整開有癮，第一樣要整既， 又係棉花糖。之前係網上見到人地日本仔整到好CUTE， 好似APPLE 同橙咁架嘛。咁我又試下啦， 開頭沾溶左既朱古力再插葉都似架 （日本仔係用葉形朱古力， 我就費事揾又要特登買， 所以順手用屋企整包用既脆瓜子算）。我插葉時， 係趁朱古力未乾， 即快手用刀界兩條痕，係上邊輕手插葉。因為我怕只靠朱古力， 未必沾實葉仔， 所以輕手界兩野， 幫下手食力。有部分仲學足日本人做法， 插多支百力滋落去， 好似十足橙咁。但一做到粉紅色， 又好似怪怪地， 所以粉紅色版係無餅乾架。

趕頭趕命整好一大盆，諗住好靚啦，等朱古力乾期間， 跟手同仔女出街食個早餐返黎又做過。

點不知， 不返到屋企， 嘩， 真係欲哭無淚呀。乜變哂咁架？？？ 起哂紋。

點搞好呢？ （後黎至知可能座溶朱古力時， D 水太熱， 令到朱古力氧化左， 無左光澤）

諗下諗下， 又比媽媽諗到遮醜方法。哈哈， 老實講， 對於呢盤棉花糖， 媽媽真係好好好滿意呀。估唔到咁既遮醜方法都比我諗到喎。好似靚左好多呀， 仲靚過日本人設計既造型（只係葉加眼仔）

除左呢盆嘔心瀝血既棉花糖外， 媽媽仲展現偉大既一刻， 就係平時無乜耐性加埋手工低能既人， 居然係生日會前， 可以捱眼瞓， 砌左一大堆CAKE POP出黎。真係自己都好感動。仲要係邊整邊後悔囉， 點解？ 因為要搓到個波好圓滑， 係好有難度， 第二難度就係， 朱古力仲要沾得好勻，至可以做到米奇造型既CAKE POP～～～卒之點？ 咪全部用最簡單方法， 沾滿哂七彩朱古力遮醜。哈哈哈。

但估唔到呢堆自己好唔滿意既CAKE POP， 係生日會當日， 卻係獲得各大爸媽好評力讚。真係神奇。唔通七彩朱古力既吸引力就係呢度？？

除左以上兩盆嘔心小食外， 其實我地生日會， 仲有盆好普通既野食， 就係菠蘿腸仔。不過點係普通之中突顯佢既得意呢？ 媽媽又係漏夜睇好多網， 見到外國其中有人係類似咁整， 令到成盆野好生動。所以做左少少小手工， 得唔得意呢？ 相對係個盆棉花糖， 自問呢盆腸仔菠蘿真係麻麻地咁囉。

我地生日會係下午至開始， 所以， 個日晨早， 媽媽又晨早起身， 用左成合朱古力脆脆， 撈左一比一份量既黑朱古力（座溶），加好少好少（大約10﹪OF 脆脆既重量）溶牛油，撈埋一齊， 用匙筆落牛油紙等佢乾(一乾就定型， 都唔駛雪入雪櫃）變左呢盆黑朱古力脆脆。可惜全部都係黑朱古力，結果整出黎唔甜， 但又唔苦。賣相又唔夠吸引， 呢味媽媽就麻麻地滿意。早知整第二味好過。

除左呢D， 我地生日會， 仲用左雪糕筒黎裝生果。嘩卡卡。懶係特別咁。可惜雪糕筒好似銷情麻麻， 最後都剩左1／3係度。相就無了， 因為避免雪糕筒淋哂， 個時我地係開始食野至筆生果落雪糕筒， 時間趕急， 所以無影相TIM。

至於主角既生日旦糕， 又係媽媽捱哂眼瞓周圍揾既， 因為主角有兩個， 媽媽唔想一個旦糕。自問如果自己係細路， 都好唔鐘意自己同人一齊切同一個旦糕咁。所以媽媽堅持要兩個。但訂造旦糕磅數有最低要求。所以要揾到一間肯接受兩磅旦糕既， 真係好難。最後， 揾左FB 既KAREN 造左呢個CAKE。老實講， 效果麻麻， 因為用色唔夠SHARP。明明講明係比女仔， 但點解好似造到咁DARK COLOR 咁既呢？不過佢肯受兩磅ORDER， 算啦， 鬼叫我地唔敢訂咁多咩。

至於哥哥既CAKE， 係FB 既CAKE HOUSE訂， 三磅起受ORDER。所以迫住訂三磅。呢個CAKE好滿意呀， 用色夠SHARP。同埋造出黎既指定公仔，100﹪相似度。勁。唯一美中不足係間SHOP好寸。嘻嘻。送貨時間係佢指定， 講明不可遲到，否則旦糕無得取仲要無哂訂金。想早半個鐘拎都唔得。唉。

話時話， 呢日我地小朋友加埋有23個。最後， 出乎意料， TOTAL 5 磅CAKE係一掃而空。哈哈哈。可能係媽媽策略成功啦， 就係迫各位食CAKE先， 分哂CAKE 至拆食物既保鮮紙。咁各人迫住清左件CAKE至食其它。咁岩我地生日會係下午四點開始， 所以小食都係小食黎， 無飯無PIZZA。大家旨在食少少野。所以至清到五磅CAKE。YEAH～～唔駛比爸爸話嘥。因為之前爸爸不停反對兩個CAKES仲要加埋五磅。呵呵， 卒之完到一人一個生日CAKE 仲可以清到。媽媽真係好滿意呢次生日會呀。