第四屆屯門區幼兒演講比賽 （鄧肇堅小學主辦）

3 May 14 呢日周六， 我地出席由東華三院鄧肇堅小學主辦既屯門區幼兒故事演講比賽。因為Isaac 幼稚園幫佢報左名講英文故事。嘩， 好緊張呀， 話哂係幼稚園幫佢報名喎。連道具都要求埋， 睇下媽媽手上拎住既， 係幼稚園借比我地用既道具之一。就知幼稚園幾咁認真看待呢次比賽。

之前幼稚園都幫Isaac 練過幾次， 不過老師都COMMENT 佢唔認真， 細聲到爆。同之前出去比賽既模式完全係兩回事黎。所以媽媽都唔知今次比賽表現如何。幸好， 都KEEP到佢之前比賽開既聲線， 同埋有返係屋企練習既動作。雖則未做齊屋企媽媽教佢既抑揚頓挫， 但媽媽都好滿意今次 Isaac 表現了。

比賽當日表現 （按此）

之前個日屋企練習表現 （按此）

最後， Isaac 奪得優異奬。已經好開心了。

拎到奬， 當然少不免同老師影返張合照。如果唔係呢位老師幫佢報名， Isaac 就唔會有多一次表演經驗啦 。

同場仲見到同班同學表演中文演講比賽。真係叫媽媽大開眼界。似模似樣好生動。最後，同 Isaac 一樣拎優異奬。ANYWAY，黎返張合照好喎。

最後， 全場拎奬同學黎張大合照。其實呢度有八成以上都係我地幼稚園學生囉。真係搞笑， 好似我地幼稚園變左最大捧場客咁。