齊齊影畢業袍相

22 May 15 呢日夜晚，Isaac 同學仔邀請我地出席佢既生日會，會後，當然唔少得係落去玩啦。呢班靚仔，成日玩玩下，會忽然玩起體操，次次都鬥做得靚，真係好搞笑。

玩完一輪，大家有備而來，就係穿起學校既畢業袍，影返張合照。唔影的話，下次再合照，唔知係幾時了。自K1入學，已經高頭大馬既Isaac，臨畢業依然係好大隻。不過，小學後，就好難講了。

Casey： 梗係，我既目標係好似Isaac 咁高，我好落力做運動架⋯⋯

其實呢晚有個爸爸係業餘影相發燒友黎，跟住的POSE，都係由個位專業人士渣FIT。

Isaac: 好攰呀⋯⋯仲要撐幾耐呀？

排排坐，挨住瞓。証明CASEY幾咁重要。

影幾個POSE都搞左好耐，卒之，攝記叔叔話自由發揮⋯⋯就出左呢個效果。睇下，係咪Isaac 最唔正經呢？

Isaac: 我條脷夠唔夠長呀？

影完自由創作又黎返好正經既相。呢七個小子，六年後各自發展成點呢？真係令人期待。有時媽媽會諗，會唔會中學又撞埋同一班呢？

Isaac: 呵呵，我地畢業囉⋯⋯

跳左幾廿次，大家腳仔軟，依然係影唔到齊齊跳既效果。同小朋友影相，真係少D耐性都唔掂。

Isaac: 哈哈，點跳都係我最高⋯⋯

開心一刻，話咁快就過去。下次集齊七子，唔知又係幾時了。