笑笑小片段

13 May 15 Claire 深得我地一家人疼愛，連哥哥成日都忍唔住話佢好可愛。有幾可愛，睇下有個傻豬仔，係度自轉咪知囉，自轉還自轉，而係Claire 既表情真係令人好可笑。（按此去片）

除左呢個外，當時因為等哥哥上劍擊，Claire 轉完，坐係張BENCH度，媽咪就同佢閒談，話說Claire 出門前，同媽咪講，婆婆幫佢善後大便時話佢便便好臭⋯⋯扮埋婆婆個語氣。於是乎，媽咪又想笑多次，就叫Claire 重覆返婆婆同佢既對話，加埋衰妹副老積表情，真係好好笑既姐。（按此去片） 唔怪得成日引我地一家失笑。

14 May 15 呢日兩兄妹無野學，例牌落去踩單車。唔知點解，Claire 成日想叫媽咪拆碌。可能佢想學哥哥啦。於是乎，媽咪就錄低佢，叫佢同爸爸講。免得爸爸以為係媽媽一廂情願。（按此去片）  當然，幾個月後既暑假，爸爸真係拆左個碌，不過Claire 就仲未好識踩了。

夜晚，Claire 無啦啦話自己好多肉喎。事緣Claire成日比婆婆話佢無肉。所以，有時沖涼時，Claire 邊擦香皂邊話自己好多肉，婆婆仲話我無肉喎⋯⋯於是乎，媽媽就叫佢錄低同婆婆講。嘩，佢副表情加埋語氣，真係好搞笑。（按此去片） 成日話有肉，唔知長大後既Claire ，會唔會變左個大肥妹呢。哈哈哈。