Claire 出席小小生日會

21 June 15 呢日收到畫班老師傳黎既圖片。係Claire 造既手工，係父親節信插黎。不過，做完當日，我地順道去公公屋企切蛋糕，Claire 一片孝心，把呢個信插送左比公公。唔知公公有無好好保管呢份孫女既禮物呢？

下午，Claire 第一次出席同學仔棽棽生日會。陣容好鼎盛，淨係同學仔，都有呢排咁多。真係坐爆左M記呀。

Claire: 媽咪，我迷失左係同學堆中呀⋯⋯
媽咪： 梗係啦，你好似係最細粒個位喎。

換個角度睇⋯⋯Claire 真係唔算大隻架，哈哈哈。

可惜Claire 入讀全日班，有大部分同學仔，媽媽係唔識既。想保持聯絡都幾高難度下⋯⋯下次生日會，唔知又係邊個全日班同學生日呢？