故事演講比賽 － 一等奬

自從升上K3, Isaac 好明顯好樂意參加故事比賽不特止，仲對故事造型絕不抗拒。呢個對佢黎講，真係已經好大突破。繼扮演一支火柴出黎講故事後，之後有幸被老師選左由老師特訓，參加友校舉辦既故事比賽。

7 May 15 賽前，Isaac 係屋企練習，聲線抑揚頓挫扮演角色聲帶比較明顯。（按此去片）

9 May 15 呢日正式出賽，當然我地幼稚園出賽既，都係出自故事組，佢地由K2 已經被訓練講故仔。而Isaac 一直只係媽咪非專業教佢，當然水準有差距。不過咁，媽咪覺得，Isaac 係唯一一個唔係故事組而被挑選出賽，仲有，今次有老師教佢，呢兩方面，媽咪覺得已經好好了。至少，臨畢業教佢講故事，對一個月後叩門即場表演，真係有莫大幫助。（按此去片） 當然，Isaac 相對佢自己去年黎講，今年呢個表現，已經好大進步，至少唔會好生硬先。不過，Isaac 仍有好大進步空間，例如變聲可以再明顯一點。動作自然一點，咁就更好了。

賽事結果係Isaac 獲第四名⋯⋯頭三名都係本校幼稚園故事組包攬。第四名由Isaac 同另一個故事組成員獲取。有咁既成績，媽媽真係替Isaac 驕傲。而其它幼稚園生，就係得其它奬。所以，媽媽成日話，楊老師出品，必屬佳品，唔好講拎奬，就以個人成長計，對佢地日後說話表達，已經有好大幫助。