15 May 15 屋企有兩兄妹，日日糖痴豆，一係水溝油。不過點嘈都好，轉個頭，就會攬頭攬頸錫黎錫去。有時，媽媽對住佢兩個打交，都好勞氣。不過咁，媽媽都有辦法對付。好似呢日要出九龍，出車前媽咪話邊個安靜合埋眼，一陣至可以去玩。估唔到，一上車坐低，兩個自動合埋對眼，幾乖。媽媽都忍唔住要影低留念。
咁兩個又點水溝油法呢？平時哥哥好錫阿妹，不過恰起個妹上黎，真係唔會就住。睇住個妹黎撞，真係無陰公。不過掉返轉，由細比人恰到大，Claire 大個應該好堅強。哈哈。（按此去片）
 |
| Claire: 哥哥，你小心呀⋯⋯ |
仲要揹住個妹係咁行，盡顯愛錫妹妹表現。（按此去片）
雖則佢兩個成日鬧交爭野，掉返轉睇，有邊個細路係唔會爭吖。所以，媽媽對付方法，通常都係叫佢兩個自己解決，又可以訓練佢地協議能力。又唔會顯得媽媽徧心。
不過，屋企永遠有個小淘氣，以為自己係孻女，就得人錫，成日做埋D核突野。叫極佢著裙唔好露內褲，就仲係做唔到。
 |
| Claire: 嘻⋯⋯爸爸都唔會打我架啦⋯⋯哥哥又咁錫我⋯⋯ |
沒有留言:
張貼留言