冒險樂園放電

15 May 15 呢日學校教師發展日，媽媽最鍾意呢D日子，因為平日又唔係長假，去玩就最岩。肯定唔駛同人迫。所以，我地約左同學仔一齊黎冒險樂園放電。每次黎呢度，Isaac 最鍾意就係FING自己。有咁大力FING咁大力，旁若無人，係人都怕左佢（比佢撞開）。

Isaac: 嘩⋯⋯好似飛咁呀～～

玩呢個，有個秘訣，就係自己踢條柱，咁就會YOUNG得遠同FING得快。Isaac 一個人，都可以好落力咁 FING。唔駛靠人推。

妹妹見佢玩得咁興起，又要坐埋一份。不過面對細小既妹妹，媽媽就唔會比Isaac 咁盡情咁飛LU。

點解唔比Isaac飛？因為，任佢飛，佢就會FING到咁，郁得好快，試過阿妹未坐好，已經比佢FING左落地。

Isaac 應該好鍾意刺激玩意。睇下，SIR滑梯都咁多鬼主意。

Isaac: 哈哈，唔比我飛，我就係度飛落去啦，嘩～～～

 雖然Isaac 玩起上黎好癲，有點得人驚。不過佢都有靜既一面架，仲識照顧小朋友TIM。

有時，一個人，就唯有玩收波仔入屋。收到成屋都係波。

Isaac： YEAH，呢間就係我間屋啦～～

次次玩到唔願走，不過真係兩個鍾乜都夠。走既時候，就一定喊攰。好在屋企夠近，即刻返去就沖涼食飯，咁又一天假期了。