努力嘗試＠冒險樂園

15 May 15 呢日學校放假，我地約左同學仔去冒險樂園玩。一講玩，Claire 平時點裝到幾斯文都好，去到玩時，就會叫人另眼相看 －－ 因為Claire 動作玩起上黎好敏捷，一點都唔似同齡女孩既動作。

Claire: 我衝⋯⋯好刺激呀。

 之前去冒險樂園，Claire 只敢遠觀哥哥玩呢個氹氹轉。媽媽成日想抱佢去試，不過次次都被Claire 拒絕。但係，唔知呢日係咪長大了，忽然主動要坐上去，仲要⋯⋯拒絕媽媽協助。

Claire: 嘩⋯⋯原來好辛苦架⋯⋯我對手要好大力捉實既⋯⋯ 

Claire: 芷晴，你行開吖⋯⋯我自己都好驚呀⋯⋯我好驚跌落地呀。

 Claire 性格好倔強，成日唔肯聽人教又唔肯受教。有時真係無佢符。好似呢次咁，哥哥教佢秘訣，要YOUNG柱就可以郁。不過Claire 就唔肯聽，依然堅持用自己方法  －－ 踩地板去YOUNG。

Claire: 點解我郁得咁辛苦架？

哥哥見Claire 踩得咁辛苦，就好心幫佢轉。點知遇著Claire 發爛，呢個女仔真係難服侍呀。

Claire: 我唔駛人幫呀，我識自己YOUNG⋯⋯ （隻腳仲踩地）

 努力左一輪，Claire 都係走去玩跳池。

超有動感的一張相。可想言之，跳得幾咁投入。

Claire: 喂，我行先架⋯⋯你借過比我啦⋯⋯

 嘩，都係玩車仔最開心，又唔駛咁用力摸索，又唔駛要人讓路。成個地任佢玩。

可惜，玩幾多都好，Claire 依然係咁細食，究竟阿女你幾時至會增肉架⋯⋯？