台中之旅 DAY 3 （下）。HEA 遊日月潭

13 Aug 16 係伊達邵商圈落船後，我地就開始掃街當LUNCH。伊達邵商圈其實好細，一條好小既食街而已。

無乜竹味既竹筒飯。

爸爸話好好食既山豬。

爸爸： 黎，望住鏡頭笑⋯⋯
Claire: 我笑唔出呀⋯⋯ 人地含住舊山豬肉片架。

成條食街，真係唔知邊檔好食，雖則之前做哂功課，但都忘卻邊間打邊間。只能靠人龍判斷好吃與否。呢間刈包，應該無走雞⋯⋯果然真係好味道。刈包係台灣叫法，其實係兩塊片皮鴨個種白包皮，夾住煎香左既肥豬肉。個樣賣相唔係媽媽杯茶，不過，原來食落好好味右木。可惜，我地只係買左一件。

一式一樣的刈包，都有好多種饀料選擇。不過都係豬。

之前做功課，話呢個芋籤糕幾好食。

味道呢⋯⋯真係唔係好識欣賞囉。

嘩，呢個就正了。多款口味選擇。之前上網睇，只有一間係出名好食的。不過，伊達邵食街有幾間都燒緊呢種麻糬。不過，靠近街尾便利店個間（忘了名字，不過樓高兩層的），先係好味呀。

Isaac: 媽咪，食得未呀？我想快D食呀⋯⋯

成條食街，由頭行到落尾，其實真係唔多野食。不過都算。問題係，公廁都揾唔到。好在，我地去左個間樓高兩層既便利店方便一下。事後，仲係便利店閣樓既露台，餵住蚊食雪條。

坐係便利店既閣樓，望出去，就係雲海⋯⋯莫非又想下雨？

叫做醫左個肚之後，我地無野好做，就索性圍湖行大運。行下行下，行到去九族纜車站⋯⋯休息HEA爆坐陣玩陣。正當ZAC 小朋友行到無電，坐埋一邊揾周公時，呢兩兄妹，居然係度做運動。同ZAC真係好大對比喔。

Isaac: 阿妹，我地一齊踢腳囉。

Isaac: 唏⋯⋯用力D呀⋯⋯

Claire: 嘩⋯⋯好痛呀⋯⋯點解我隻腳會咁痛架！

Isaac: 咁渣架你。你睇下我。

Claire 不甘落後，繼續努力練習踢腿。體育精神真可嘉。

Claire: 嘩⋯⋯我終於掂到啦⋯⋯我好木人女戈人哥哥咁叻呀。

Claire: 媽媽火，我向後都得呀。

由做運動去到玩ZAC 媽媽部電話，呢兩兄妹無停過。直到ZAC 瞓醒，我地就繼續起程⋯⋯打道回府，返日月潭民宿。

呢次住日月潭，我地BOOK左水社既小型酒店 －－明湖采堤渡假館，貪佢唔貴之餘又夠近碼頭（原來正正係落船後，直行就係酒店食早餐個層）。我地住既明湖映月四人套房，有個落地玻璃望住個湖景。係日月潭要BOOK間湖景房，真係好貴呀⋯⋯好在，呢度只係一千蚊一晚（算平了）。所以，價錢份上，我地唔租出名的酒店了。

Claire: 喂，做乜影相呀⋯⋯

是日晚飯，我地就係酒店隔離既（又真係向隔離，果然呢間酒店係超方便）明湖老餐廳開餐。

都是日月潭出名的山豬面？？滷肉飯同一個唔記得乜飯。是邵族地道風吃。

聞名的豬腳步。媽媽不吃豬腳的，不知好吃否。

清清淡淡來一個菜鍋。也有那堆薄薄的豬肉。

又是來一個炒荀。

什菇炒菜。

我們沒有點魚。因為做功課時，知道好多骨⋯⋯實在唔岩我地小朋友喔。唯有吃點清淡的，再回酒店食個超甜牛奶菠蘿。真係好味無渣的。正。

食完菠囉，有個人仔傻左。係度扮乜呢（按此）？

之後，當哥哥在洗澡時，只剩佢一人，但從未悶過。一個人，也可以玩得很開心。

Claire: 哇哈哈⋯⋯好似彈床咁呀。

就這樣，呢個傻妹，一個人，係張床上玩左好耐⋯⋯住酒店真好喔。

台中之旅 DAY 3 （上）。日月潭。向山遊客中心。玄光寺

13 Aug 16  呢日要離開清境，落日月潭住。真係氣死人，要離開的日子，清境的晨早，天氣幾咁好。雲海沒有了，只有一片山海。真係好令人舒暢的環境。可惜住了兩晚，只能係走既早上，望到佢呢一面。

落日月潭酒店CHECK IN之前，我地好趕好趕好趕（因為要趕住去日月潭LUNCH，又CHECK IN，司機又要走，因為呢日我地本黎唔包車的，只係臨時要求接送，而司機又有其它客人約左。不過司機小傅都好好人，肯一早車左我地先），我地一車人連埋行李，首先衝去日月潭向山遊客中心觀下景。呢個景，就係聞名話好靚既湖景觀點喎⋯⋯hmmm，只能說媽媽唔識欣賞。

三個小孩，完全無視任何景色。醉心於玩樂。

相比起遊客中心前方既湖面，媽媽反而鐘意遊客中心後面既草地了。感覺視野舒服得多。

之前做功課，知道向山遊客中心既茶葉蛋，比玄光寺既茶葉蛋好吃好多。連司機小傅聽到我地話去玄光寺要買茶葉蛋，司機都好大反應，話成個日月潭既茶葉蛋都好食，只有玄光寺賣既最難食。一聽，我地一行人都大笑起黎。司機解釋，玄光寺已經賣出名堂，根本雞蛋都來不切浸入味，大家只是繼續一窩蜂買名堂而已。其實佢都講得岩。之後，係向山遊客中心買左幾粒茶葉蛋，果然係好好味呀⋯⋯係媽媽食過最入味，連雞蛋黃都入口溶化的茶葉蛋。真的值得推薦。

吃過茶葉蛋，我地問過遊客中心，知道向山眺望台距遊客中心有一段路程。當時時間無多，因為答應了司機只留30分鐘，但我地係遊客中心已經磨左一陣，實在要行去眺望台真係要花時間。不過唔知點解，我地幾個真係快手快腳衝衝衝，衝去眺望台⋯⋯WELL⋯⋯值唔值得黎呢？見人見智了。

好快，我地就返日月潭酒店放低行李，跟住經司機小傅代勞買觀光船飛。離遠望，又一大片烏雲。明明頭先係清境好好天架⋯⋯點解呢個情景咁似曾相識既呢？出發就想下雨。

遊日月潭既船飛係包遊成個日月潭既。總之係手上打左印，之後就不限時落船同上船。當然，前提係，未過尾班船啦。

坐左架船，其實日月潭好細。都唔駛坐船，已經可以望哂。不過又無乜世藝，唯有一齊做D遊客會做既野啦。

觀光船第一站係玄光寺。本黎無諗住落船，不過大家話無野做，就落船行下。爸爸話求証一下，究道司機小傅對茶葉蛋既評價有無錯。果然，玄光寺的茶葉蛋，普通過普通。可以不吃。

我地係玄山寺行下樓梯，不過無入到寺，因為維修緊。只係過門而已。

好明顯佢地，完全唔知無得入寺啦，只係掛住玩。

Claire: READY⋯⋯衝呀⋯⋯

Claire: 咁慢架你，我跑到埋黎你先郁⋯⋯

Zac: 下⋯⋯下⋯⋯下⋯⋯好攰呀⋯⋯

上完樓梯又落返黎⋯⋯咁就行完呢個玄光寺。景色好無？hmmm，時間多得滯可以行下既。

Isaac: 咁多樓梯，行到我傻呀⋯⋯

蜘蛛，真係我地旅行成日見既昆蟲黎。我諗台中人，都習以為常了。

噢，日月潭，再見了。我地又要坐船去伊逹邵商圈⋯⋯去醫肚了。

坐船會望到九族纜車站。不過九族不在我地行程中，所以，無緣坐它。

見到伊達邵商圈了。果然好似好繁華咁喎。唔怪得成個日月潭，最旺係伊達邵啦。

到伊達邵商圈後，我地就齊齊落船，準備出去揾食。

Claire: 我地出得發去食野未呀？

呢兩兄妹，真係佻皮到不得了。無啦啦爬左上去，尤其係妹妹，一點都唔得斯文喔。

影完相，我地就出去掃街了⋯⋯