台中之旅DAY 2 （下）－－ 紙箱王餐廳。小瑞士花園

12 Aug 16 由清境步行道行到落小瑞士花園，已經過哂LUNCH TIME。餓死D小朋友了。幸好，紙箱王餐廳無乜人。我地可以好快入去食飯。

Isaac: 嘩⋯⋯好多蜜蜂呀⋯⋯我拍⋯⋯拍⋯⋯拍⋯⋯

之前睇網評，話紙箱王食物一般，只係睇佢紙品傢俱擺件，以為無乜特別。不過因為幫襯紙箱王餐廳，可以免費遊小瑞士花園。所以，我地都會入去食返餐，一舉兩得嘛。

未入過真係大鄉里，原來，紙品可以製成得咁厲害。真係連燈都係紙？？

Claire: 點止呀！我呢張凳都係紙造架。

Claire: YEAH～～～好穩陣架！

所有擺件都係紙品，真係刮目相看。

連飲品盛載器都係紙？

Claire: 係咪未見過呢？

 爸爸點了個火鍋⋯⋯乜連個火鍋盆都係紙？？？媽媽真是愕住了。

Claire: 哈哈哈，好搞笑呀。紙造架。

LUNCH無乜選擇，唯有叫個應該難食有限既吉列豬扒飯。中間啡色個盒係餐具盒，個紙盒也可以當成燈罩使用。當然，媽媽無拎到⋯⋯唔想返去變垃圾。

Zac: 佢咁大個，仲食兒童餐喎。

 爸爸話火鍋唔夠飽，所以，食完又要多份紅酒牛尾飯。食量驚人⋯⋯

食飽飽⋯⋯又黎天公不造美，莫非唔想我地黎清境？明明由馬術秀開始，係停左雨架⋯⋯點解⋯⋯點解⋯⋯我地一食完飯準備入小瑞士，又大雨呀。天喔！唔入又唔得。無理由呢日唔駛錢（紙箱王餐廳消費包入場）唔去，等到翌日又唔知有無雨，又要比錢入場架嘛，唉～～

明明應該好靚既風車入口，天雨關係，唯有靠想像。

其實小瑞士唔係好大，好快就可以KO。

唔止落雨，仲係好大霧TIM。一行人好無奈⋯⋯究竟湖既對面係乜黎架⋯⋯？？？白茫茫一片⋯⋯

下雨無野做，又睇唔到景，唯有比錢餵下鴨仔。

仙境？？ 看著這個，雨天下，只感到無奈。

雨越來越大，我地唯有揾間温室避雨。呢兩位就寓避雨於娛樂，係度拉拉扯扯。

温室少了點濕氣，影相都清楚D。

Claire: 喂，影公仔，點少得我呢個靚女呀？

 見到都毛管豎的蜘蛛網。去左清境兩天，除左開飯時要撥昆蟲⋯⋯蜘蛛網應該係第二樣成日見既野。

雨大到唔想行。我地好艱辛咁係雨中踱步完小瑞士花園後，我地就去出面既七仔HEA一下，小朋友們就繼續開心 －－吃雪糕。下雨對佢地黎講，好似無掃興既感覺。

係呢度，見到寫住清境係海拔1743米高。加上下雨，雖然夏天黎，我地都感到陰涼架。好在小朋友們成日都要冚住雨衣，都當係保暖既一種方法。

今趟清境之旅，幾乎九成觀光時間係雨中渡過。循例叫做行完之後，我地就去遊客中心請求坐車返駿亦景觀民宿，費用只需50台幣／人。都算方便的。

出發前，我地都預計呢日會好攰，同埋未必想出去揾飯食。所以，預早係香港，已經同民宿訂左六人套餐。食物水準都幾好，而且唔油。

又係刺蔥。果然係埔里特產喔。不過咁煎呢，容易入口過昨天的刺蔥豆腐。

份量蠻多。我地真係食唔哂，夾硬食哂呢碟。

又係埔里特產，炒菇。

OVERALL，駿亦景觀雖然無親子民宿個間咁出名，但勝在夠乾淨，服務好，連司機小傅都係呢間民宿介紹架。餐飲服務亦好好。如果去清境，諗唔到住邊，不妨可以考慮一下。