暑期溜冰班。第四堂

28 July 16 呢日又係溜冰暑期班。經過三堂既WARM UP，呢朝我地遲左⋯⋯原來都有個好處，就係兩兄妹好心急落場呀，因為遲到啦⋯⋯一去到，同學仔雪盈已經係裡面，有個人仔扮大個仔係度後溜追女仔咁款（按此）。

呢種後溜動作，Claire 仲未識。所以，上堂前，只有Isaac show off。幸好Claire 上堂時，都開始教姐。睇Claire 做得有板有眼咁（按此）。

至於Isaac 上堂，一開波，就鬥快溜冰⋯⋯點知好蝦碌，除左Isaac 同雪盈同學之外，其它同學一齊蝦碌跣低哂。都幾好笑（點此）。

齊齊撻低後，導師就開始教YOUNG腳溜前。只見Isaac 呢堂都好認真（點此）。

好快就掌握到技巧，自己一個人係到練習。有紋有路架（點此）。

唔知點解呢堂教的特別多。話咁快，又話學扭PAT溜後（點此）。媽媽心諗，呢招，Isaac 呢日上堂前都已經識，肯定好快上手啦。

睇下Isaac 上完呢堂後，幾咁純熟係咁後溜（點此），就知呢次既溜冰堂，對佢黎講，其實只係錦上添花。

不過當媽媽睇到呢兩兄妹係場上練呢招（點此），媽媽即時心花怒放。呢招，的確係兩兄妹上溜冰堂前，完全唔識的。

Claire 唔知點解，做完呢招一次後，就不停咁做做做（按此）。不過又真係做做下，Claire 居然可以抱膝轉圈，嘩，真係好勁呀（點此）。媽媽睇到眼都呆左。

唔知係咪Claire 想學大姐姐咁，張開手黎大轉圈。只見佢除左抱膝轉外，後期仲不時張開手想FING到自己狂轉（點此）。當然，以佢技巧同能力黎講，暫時未能做到佢所想啦。但媽媽都好欣賞佢呢種勇於嘗試既精神。

至於哥哥，就係堂後，努力試另一種新招 －－抱膝踎低後溜（點此）。果然呢幾堂溜冰暑期班，只有呢一堂，兩兄妹有努力去練習新花式。呢一堂，媽媽終於覺得辛苦來回係值得既。