台中之旅DAY 1 （下） －－ 18度C巧克力。伊拿谷餐廳

11 Aug 16 未出發時係屋企做功課，雖然見18度C巧克力係台中好出名，而我地既景點係都可以容許我地去朝見。不過網路都講到要攞飛等兩三個小時⋯⋯這樣⋯⋯媽媽就打消朝見呢個念頭。

點知，小傅師傅問我地有無興趣去喎。媽媽話好多人架喎⋯⋯要等好耐⋯⋯小傅師傅即刻話唔駛等。仲叫我地信佢，佢好清楚乜野時間係無人。好啦，就信你一次啦，心諗，真係多人的話，至多咪掉頭走。

一落車，嘩，原來真係無人等架⋯⋯我地直闖入店，只見櫃內佈滿好吸引既巧克力。其實真係好想買多幾款，不過一下子要食哂，真係有點兒內疚喎。唯有只選兩粒試下味。

Claire: 我想快D食呀⋯⋯ 

Claire: 係咪影完啦？食得啦？
Isaac: 你等多陣啦⋯⋯

 全日既HEA 爆行程，最開心最滿足，應該係呢個行程。因為食完朱古力，仲可以過隔離食埋雪糕。呢兩個小朋友應該滿滿足足返清境了。

 事隔太久，其實媽媽都忘了點了什麼味道。只知兩杯都係店內招牌和推介。

Claire: 我食先啦⋯⋯
媽媽： 點解次次你都忍唔住架⋯⋯

 經過今次18度C事件後，媽媽開始相信小傅司機呢位地道台中人了。難怪他成天掛在口邊，佢好清楚邊間好食邊間唔好食，邊度好玩等等啦。

嚐甜滿足之後，大家抱著大肚皮就坐車上清境。小傅司機好好人，佢肯等埋我地CHECK IN，之後再車我地去伊拿谷晚飯。堅感動囉。

呢次清境之旅，媽媽本黎意屬清境親子民宿既，諗住可以玩下滑梯，又甚至乎可以觀星。不過，同行ZAC ZAC 一家，鐘意呢間駿亦景觀民宿. 所以，最後我地都入住呢間民宿。一入到去，好舒服呀，空間感好大，房間亦都好清潔。房間附有露台。

不過開始入夜，只見雲海一片。這個就是清境了。

我地CEHCK IN之後，好快又落去揾司機小傅，由司機車我地出發去伊拿谷食晚飯。

清境出名既，就係呢種甕缸雞。之前上網睇，伊拿谷可以觀景TIM，司機叔叔評價也好，所以就決定呢晚食呢間餐廳。點知，成餐飯掛住照顧小朋友，都無閒情去欣賞周圍景色。只知成餐飯，不停撥走蒼蠅（呢個似乎係成個台中飯間既活動之一黎，真討厭）。

伊拿谷門外，放了幾個好大的甕缸。真係大到連妹妹都可以放得入喔。

一行四個大人，三個小朋友，點了馳名的甕缸雞。辛苦哂ZAC爸幫手解剖。

包心菜同台中馳名既菇。

 這個，記得是伊拿谷招牌，所以當時就點了。點知⋯⋯好大盤呀⋯⋯真係好大好大好大盤。早知唔叫啦，嘥哂了。因為最後呢盤係剩返好多喔！

飯後，請求伊拿谷送我們返回駿亦景觀民宿。呢個係免費提供既服務。所以，去清境，其實唔渣車，都可以一樣方便喔。