暑期花式跳繩班小花絮

30 July 16 呢日要帶Claire 去跳舞。兩兄妹，好耐無黎呢個小公園了。難得趁跳舞空檔，齊齊上黎放一陣電。唔知幾時開始，兩兄妹好鐘意衝上呢座樹洞上面攤抖。

睇Claire 坐得幾咁老積。

Claire: 喂，哥哥，好污糟架，唔好瞓啦。 

Claire: YEAH～～我自己坐上黎架。（信不信由你）

 1 Aug 16 呢日又到花式跳繩堂。媽媽第一次見Isaac 可以成功跳繩中繩。真係要好有技巧同夠定先得喎（點此）。當然，爸爸就話其實好易⋯⋯（唔知佢本人做到唔做到呢！）

3 Aug 16 輪到妹妹跳繩。平時得閒落街跳，苦練一番後，Claire 步姿成熟左。話咁易就做到開合提膝踢腿等動作（點此）。跳得好，連導師都請佢出黎示範單車步比同學仔睇（點此）。Claire 加油呀，希望你跳繩技巧越來越好啦。

早上跳完繩，趕返屋企食個快LUNCH。之後，又趕住去學游水。真係好忙好忙呀⋯⋯游完水路經商場，有個妹妹見佈景咁多公仔，佢又走埋去扮可愛咁要影一張相。呢個女有時真係幾可愛既。

Claire: 我似唔似一朵花呀？