熱溶迪迪尼

6 Aug 16 趁我地仲有迪迪尼張PASS，呢日周末無野做，一家大細又入左迪迪。不過，好熱呀⋯⋯人又多。有爸爸入迪迪，有個好處，就係可以陪兩兄妹玩刺激玩意。不過，礙於Claire 身高有限，所以，呢日Isaac 首次嘗試玩海盗船既時候，媽媽同Claire 係附近等⋯⋯好熱，唯有買一杯新地。

Claire: 嘩⋯⋯正呀⋯⋯不過我唔夠高，支管插到我咀既。

 一買到杯野，Claire 已經渣實唔放手。不過佢既高度，唔低頭又點飲呢⋯⋯

Claire: 我好似仲未啜到⋯⋯

 另一邊廂，爸爸同哥哥已經係呢架海盗船上面。可惜手機影唔清⋯⋯最尾個排右邊係兩父子呀。後黎聽 Isaac 講，佢係驚到流眼水。真係陰公。

呢次入迪迪，都幾無聊行黎行去，無意中，見到可以同STAR WAR角色影相。兩條龍，唔知排乜，最後，Claire 居然係排左呢條龍⋯⋯真係暈暈地，媽媽見到都唔敢行埋去（雖然知係假），毛茸茸真係毛管都豎埋呀。難為Claire 面無懼色居然拖手合照，真係勇呀。

Claire: 快D影啦⋯⋯我好驚呀⋯⋯