台中之旅DAY 2 （中）－－ 清境農場

12 Aug 16 明明係民宿上車個時，係無雨既。點知⋯⋯到左清境農場，就下毛毛雨⋯⋯一場黎到，想點⋯⋯？？？？毛毛雨喎⋯⋯正常梗係照買飛⋯⋯

落車個刻，其實已經好趕⋯⋯原來綿秀就開始，我地一買左飛，飛跑落山，揾綿羊秀既地點。好在，趕得切。遠望一堆羊群正出黎了。不過，點解全部光禿禿既呢？

暑假期間，每日都會上演綿羊秀的。成群綿羊就係咁由山上衝落黎。

冒著雨，企係泥濘上，等呢個SHOW開始⋯⋯但點解雨會越來越大架。

人太多，小朋友視線幾乎被擋。好無癮。加上下雨，更加享受不到䓢中樂趣。

幸好，綿羊秀結束之後，之前被困既綿羊，都會四處逛，等人餵食。Claire 就趁此機會同綿羊合照。

Zac：睇下，呢D先叫合照嘛。我同隻羊都係望鏡頭架。

Claire: 黎啦，過黎比我攬下。

 綿羊秀期間，雨很大。搞到大家都無乜興趣。而且，馬術秀又係10:45開始⋯⋯但原來我地逗留係綿羊秀呢個範圍已經超過一個小時（因為避雨，又要等爸爸買雨褸，所以用時多了）。所以，我地又衝衝忙忙咁衝去馬術秀既位置睇表演。原來清境農場係咁分既： 落車位置係入口，之後落山睇綿羊秀⋯⋯以為有空閒玩清境草地？？係無既⋯⋯因為一落車就要衝落去睇綿羊秀⋯⋯之後又同綿羊合照⋯⋯跟住又要衝去另一邊山睇馬術秀。所以，清境農場雖然草地好大，但我地卻無機會在草地上跑。諗住睇完馬術秀後，可以折回綿羊秀那邊的草地？NO WAY。清境農場入場票，係要蓋手印。綿羊秀係一個印，之後，入馬術秀，係要憑票蓋最後一個印⋯⋯咁就無LU。 所以，OVERALL黎講，媽媽對清境的印象真係麻麻地。

冒雨衝黎馬術秀，諗住睇下乜野表演啦⋯⋯這裡人流無綿羊秀咁多。媽媽後黎終於明了⋯⋯因為，一點都唔好睇呀。好內地FEEL的感覺。表演人員騎在馬上做些高難度動作，然後讓馬兒在表演場內跑一圈而已。

所以，我地兩家人，好快就離開左呢個馬術秀，去探索大自然了。

Claire: 睇下，我捉到草蜢呀。

昆蟲在哪裡？看到不看到？

馬術秀前方，就有一個山坡，我地齊齊往上探險，看是什麼的一個世界。

話咁快，爬到"山頂"。

落"山"後，應該係好靚既彩虹花。可惜，天陰多雲，拍照不美。

Claire: 咁我企埋去影，會唔會靚D吖？

當我地下山途中，太陽開始出來了。但仍很多雲喔。

行著行著，原來越過馬術秀那邊的山丘，沿途下山，就是一條平坦的山路，往山下去的。下到山腳底，又見另一群羊堆在吃草。

嘩嘩嘩，終於，我地落哂山啦。所謂落哂山，就係就到小瑞士花園了。哈哈哈。路過見到好靚既水蜜桃，我地買左最貴既黎試下。

唔駛多講，只需要睇呢位妹妹，食得幾咁投入，就知好無味。

Claire: hmm..... 點解咁甜既呢？唔通加左糖？

Claire: 等我再食多啖試下先。

 睇見呢位妹妹，咁天真漫瀾，食得滋味，做父母的，真係好開心架。

另一位小朋友，食相就同Claire 好唔同。果然男女大不同喔。

Isaac: 媽咪教我，要擘大腳烏低身食架⋯⋯如果唔係，D汁會滴哂落對鞋度。

中途休息過後，我地繼續落埋呢個山丘仔，往小瑞士花園進發。