夜觀螢火蟲

7 Aug 16 忽然興起想帶兩位小朋友去睇螢火蟲，適逢夏天，巿面好多觀螢火蟲團供選購，不過通常係行程加插新界某農莊玩樂一天，夜晚直踩觀賞螢火蟲。對於呢種自己都去到既農莊玩樂，媽媽興趣不大。所以，我地只係選左個純觀賞螢火蟲既團。所謂既團，原來係一個熟悉行山路線既山友，自己帶我地行。所以，"團費"好平，亦都唔需要預繳"團費"。好彈性。

我地比預定時間早左少少去到集合點。呢兩位小朋友好期待呀。因為我地未睇 過螢火蟲架。

未睇螢火蟲之前，山友帶我地去裝下胡蜂既屋企。仲介紹埋胡蜂既特性。其實，之前教我地抬頭睇蝙蝠TIM。好厲害呀。唔講都唔知，媽媽之前仲以為係天空飛飛下既，係雀仔TIM。

夜晚晚行山，除左熱到濕哂之外，仲有就係見到平時行山好少會留意既生物。究竟蛤蚧同青蛙，有乜分別呢？其實媽媽聽完講解，都唔係好記得同清楚。不過相信兩位小朋友，應該會有個印象，自少就認識蛤蚧同青蛙既分別。

會發光既蛤蚧。

可惜係螢火蟲怕光，我地睇住成條河係閃閃下既小小螢火蟲，但不能拍照喔。唯有把呢個情景，記在心裡吧。