參觀可樂廠

8 Aug 16 呢日又有節目，果然呢個暑假日日玩樂超開心，媽媽也超攰呢⋯⋯呢日我地晨早就出發去Casey 同學仔會所集合，準備出發去可樂廠。呢兩兄妹一黎呢度，最鐘意就係呢部氣墊球機。任玩唔嬲。

難得可以再同幼稚園同學仔玩，真開心。

不過幾張相，Isaac 點解可以原地站立既呢？ 真係話佢手長好吖，定懶得郁至真？

玩完氣墊球，三個走去玩互推。呢D真係小朋友玩意，咁都可以玩一餐。
玩左一陣，就齊齊坐車出發去大埔既可樂廠。媽媽都係第一次黎架咋。

Claire: 我都係第一次黎咋。

 點解有個妹仔，企到好似人地𡃁模咁比人影相咁既？

Claire: 乜姐⋯⋯我企係度等你影我咋嘛。

下面呢兩張相有乜特別呢？

就係Isaac 係都要學Casey 咁，拎阿媽部手機狂影⋯⋯（已經刪了好多張）。

Claire: 嘩，正呀⋯⋯好大筒可樂呀⋯⋯

Claire: 等我裝下裡面有幾多可樂先⋯⋯

 參觀可樂廠其實都悶悶地，淨聽淨行⋯⋯興趣不大。不過呢三位應該勁興奮，因為可以獨霸一支可樂（參觀後的紀念品），尤其係平時連果汁汽水都無得飲的Casey，佢應該係最開心個位呀！

Claire: 嘻⋯⋯我都好開心呀，平時我都好少有得飲架。
Isaac: 平時爸爸都有得比我飲啦，所以我已經飲左個肚腩出黎。 

Claire: 媽咪，好大罐呀⋯⋯如果可以比我飲就好囉。

去完可樂廠，返到屋企附近，唔記得乜野原因，媽媽係要奬兩兄妹食雪糕。於是乎，趁MONSTER 雪糕做緊買一送一，就走去買一杯，送一杯，兩兄妹一人一杯啦。不過怕羞的Isaac 成日拒絕上鏡。所以，變左得妹妹一個獨食咁款。

雖然Claire 一直好抗拒著呢條粉紅褲。不過睇返D相，其實都幾好睇吖，特別著得佢好SLIM TIM。

之後又趕下場，帶 Isaac 去學佢本人最後一堂既太陽能機械製作暑期班。因為我地之後去左旅行，所以，媽媽千叮萬囑要 Isaac 提早呢日拎走佢既作品。咁岩早上同Casey 媽媽講開太陽能機器人製作班既內容。所以，Isaac 就錄左呢條片，SHOW比Casey 媽睇，究竟佢呢幾堂暑期班，做左D乜了。（點此）可惜既係，回到家，呢隻機器人係唔識郁，唔知係咪內裡既電線斷左呢！但媽媽又唔識搞喎⋯⋯所以，呢舊野，一直在封塵⋯⋯