第一次用飲管杯

27 Nov 11 人生第一張同老豆影既聖誕相, 媽咪梗係要POST上黎啦. 下次爸爸都唔知幾時會記得主動同妹妹影架喎, 哈哈.

食飽飯飯, 臨瞓指定動作係同哥哥係床到玩. 呢個係哥哥每日都好期待既環節, 媽媽相信妹妹都一樣咁鐘意. 因為試過有次唔比妹妹入房玩, 妹妹扁哂咀, 兩隻手都要往房方向去, 我諗妹妹識講野, 實會同哥哥一樣咁講: 我想同哥哥玩碌碌碌呀

不過兩隻馬蹓無碌, 反而玩到癲, 好似人地玩相撲咁.

28 Nov 11Claire: 等我睇下點打keyboard既先

拖左好耐, 終於的起心肝配返套新既學習杯. 呢日胆粗粗比妹妹試下. 吖, 點不知佢又真係識用飲管飲水喎, 叻叻.
Claire: 咁媽咪會唔會比個叻叻我呢

Claire: 我係咪好厲害呀, 第一次用飲管杯就搞掂左.

話時話, 媽咪唔記得左寫, 早幾日, 妹妹識由趴變坐了. 媽媽真開心.

一唱一和

25 Nov 11 Claire: Hello, 我叫Claire， 最鐘意同哥哥玩

一有機會， 就會痴埋哥哥隔離， 好似呢日咁， 哥哥係度玩結他， 妹妹就係度UN 下UN下。

26 Nov 11 呢日我地去科學館， 路經聖誔裝飾， 上次行開呢度， 妹妹瞓著左， 今次同妹妹補影返， 點知哥哥無興趣影。卒之只得兩母女合照。

去到科學館， 唔係好岩妹妹玩， 所以媽咪同佢坐埋一邊飲水。
Claire: 哥哥係邊呢？

好辛苦至捉到哥哥同我地影張相。可惜張相係睇唔到妹妹個樣架喎

返到屋企， 忽然兩兄妹又互學， 真係唔知好嬲定好笑。

濕地二遊

呢日放學, Isaac 同同學仔去濕地到此一遊.

好快咁食完飯飯, 跟住一齊去油顏色.

睇下仔仔幾認真咁油, 油完仲送比媽媽. 真抵錫.

不過時間關係, 我地黎濕地, 旨在比兩個小朋水放下電, 所以去玩滑梯, 亦都係兩個小朋友最期待既活動.
Isaac: 媽咪, 同我影相啦.

玩完滑梯, 我地出濕地出面個草地跑下. Isaac: 睇下我幾高

洛洛媽媽: Isaac, 呢個邊個黎架?

洛洛: 我又睇 Isaac: 我唔睇啦, 我玩褲袋開心d

Isaac: 睇下我幾型仔

媽咪成日都支持兩孩政策, 睇下, 兩個小朋友玩得幾咁開心. 如果得一個人黎, 阿仔點都無咁high.

Isaac: 媽咪, 我似唔似白兔呀?

Isaac: 我跳, 我跳, 我跳跳跳.

見到仔仔放學成日都玩得開心, 媽咪就會諗, 如果第時揾返野做, 仔仔放學就會好悶咁呢係屋企等媽咪放工. 所以真係幾矛盾架.

伸脷

22 Nov 11 一面茫然咁望住堆波波的妹妹.

最鐘意係痴埋哥哥到玩.Claire 咦, 媽媽偷影我地呀

而哥哥呢, 就最鐘意學妹妹. 睇下, 成日學妹妹坐唔穩, 激死媽咪, 講好多次叫佢教妹妹, 唔係學返妹妹講bb話又坐唔穩又爬又成.....

Claire: 我又學返哥哥咁坐唔穩先

你話係咪激死阿媽, 變左屋企有兩個嬰兒咁一齊教.
 
23 Nov 11 呢朝見妹妹挨左上去個攬枕到, 好似好舒服咁

Claire: 係呀媽咪, 真係好舒服架, 快d買返個枕頭比我啦.

媽咪: 咁係咪買枕頭比你, 你可以一覺瞓天光先
Claire: 嘻嘻, 呢個我唔擔保喎

24 Nov 11 呢日妹妹忽然好鐘意伸脷

Claire: 我想引誘下人吖嘛

抱起你, 你又要伸脷.

呢幾日妹妹瞓得好差, 媽媽每個鐘都要桔起身安撫下你, 媽媽就黎死囉~~~囡呀囡, 你幾時可以一覺瞓天光呀

燈飾照

20 Nov 11 呢日妹妹要去黃金學下野, 媽媽順勢帶埋 Isaac去, 不過係隔離房玩. 反正媽咪有兩個大小細路, 所以媽咪可以放心唔駛點用精力同阿仔玩.
爸爸: 我唏~~~放手啦

爸爸: 嘩~~~~

嘩乜? 咪就係碌呢舊海綿

Isaac: 我再黎過好無呀? 爸爸: 得唔得架你

點解話兩個大小細路? 睇呢張相咪知. 其實屋企好多玩具, 都係爸爸自己想玩, 所以買返黎~~~話比仔仔喎. 但結果, 係擺多過仔仔玩架囉

Isaac: 我想坐上去呀

可惜間房好大陣味, 所以玩左一陣就出左去sunday market到玩, 媽咪同妹妹就留係另一間房做運動.

21 Nov 11 學校假期, 媽咪同仔仔出去影相相. 以仔仔咁好動既性格, 點會岩影相吖~~~有相為証, 自己一支箭咁標左出去

難得三人合照~~~~兩兄妹個表情都咁呆滯下

Isaac: 媽咪, 點解唔識郁既???

人地影相阿仔就不停咁問點解唔郁又係勢咁走黎走去, 媽咪都唔得閒答佢囉.

跟住去爸爸公司樓下, 又話要影聖誔老人, 點知行去玩手指.

卒之等到大少望鏡頭, 唯有影個袋算.

入到商場見到呢個佈置, 仔仔至興奮周圍跑, 跟住起勢話要影相先.

Isaac: 呀~~~~

返左學的Isaac, 最鐘意晨時茂時都大叫....媽媽見怪不怪.

見到禮物又要學人地咁扮拎起影相.

Isaac: yeah~~~~~

Isaac: 再yeah~~~

唔知邊度學返黎, 呢輪鐘意豎起兩隻手指影相.

到餐廳食飯, 見到隔離個公仔, 又走埋去話要影相, 不過行左埋去, 把口不停咁唱歌, 點影呢阿仔.

接完爸爸放工, 食埋飯, 妹妹瞓左覺, 唯有我地自己影張燈飾相啦. 你睇兩父子幾夾~~~~呢d係咪叫貌合神離呀? 一個望左一個離右. 呵.

妹妹瞓左, 費事摷醒佢. 三個係2011前面影張燈飾合照算啦.

第一次聖誕相

21 Nov 11 呢日哥哥學校假期, 媽媽一心打算去科學館既. 點不知~~~~原來科學館係開一點架, 唉~~~~即係要等哥哥瞓醒晏覺至去得. 卒之後黎無去, 因為出到尖咀都六點, 下班時間. 索性改為影下相, 接爸爸放工算. 趁爸爸未放工, 叫我地自己係附近影下聖誕相喎.

陳家三大傻人, 呵呵呵. 唔知係咪爸爸放工見到最開心既三個呢~~~~不過我估唔係啦, 因為爸爸放工返黎, 見到我地, 塊面依然係好崩緊情緒好高漲架.可能呢個係女人同男人既分別, 媽咪以前返工點攰點激氣, 一開門見到仔仔, 就會乜都唔記得. 只係會覺得好開心. 跟住咁就一日.


一早都話哥哥唔岩影燈飾, 走黎走去多過影相架啦. 卒之係媽咪同妹妹影多.
Claire: 我乖唔乖?

有相為証, Claire 係幾咁鐘意拉哥哥玩, 影張相都要去撩哥哥.      Isaac: 你做乜整我呀?

Claire: 哥哥去左個邊呀~~~~

Claire: 媽咪, 我同你眼神係咪一樣咁眼瞓呀?

陳家三大福頭表情都唔一樣, 係得阿媽對住鏡頭傻笑, 想點呀你地兩隻野.

跟住哥哥話要同妹妹一齊坐住影喎.

點知妹妹妹要企, 仲要企住噴口水. 一副相親相愛既pose.

媽咪: 哥哥, 望下鏡頭啦

媽咪: 妹妹, 望下鏡頭啦.

對住兩個影相, 真係好難. 成日都唔望鏡頭. 激死. 影完相, 就接爸爸放工, 跟住開餐, 跟住妹妹大覺瞓, 無得再影全家合照lu. 唯有下次啦.