終於錄到爬爬了

12 Nov 11 呢日同哥哥同學仔出街街, 妹妹悶到食手指.    Claire: 都無bb同我玩, 唔食手指做乜好


13 Nov 11 趁哥哥瞓左晏覺, 妹妹拎左哥哥最鐘意既玩具黎搖, 學足哥哥平時咁玩.

之前話錄唔到妹妹爬, 呢次卒之成功左. 呵. 不過呢日仲係蟻仔咁爬. 呢日之後, 就真係爬得好快啦. 不過媽媽都無刻意再錄.

14 Nov 11 Caire: 哥哥, 一齊食飯啦. Isaac: 你唔好扯我件衫啦, 我咪食緊囉.

食完飯飯, Claire 話要做掌上壓keep fit 喎.

15 Nov 11 呢個look 夠唔夠肥仔feel~~~~因為件衫係3個月既碼黎架, 哈, 自欺欺人迫爆衫既感覺.

夜晚媽媽食飯時, 工人抱左妹妹坐rody, 妹妹終於有腰骨識坐了. 坐得好開心呀. 放返落地, 佢又嘈住叫, 要爬返上rody度坐. 好搞笑.

16 Nov 11 Claire: 點解我覺得背後好似有野頂住我既~~~~ 無啦啦爬左入個死位到, 阿囡你想點.

17 Nov 11 呢日媽媽頂唔順日日比阿囡咬, 已經大叫架啦, 妹妹仲要咬實唔放, 仲要笑喎, 激死. 所以晨早餐奶改為奶粉, 可惜妹妹啜左幾個字~~~~原來都無飲到10ml, 玩野, 卒之又係要埋身又比人咬, 嗚嗚嗚......

Claire: 嘻嘻, 我都唔想咬你.....