便秘到喊

7 Nov 11 呢日, 妹妹勢力範圍擴大左. 希望可以引到佢爬多D.


Claire: 媽咪, 我都係鐘意食手多呀

近鏡數下究竟妹妹個咀仔, 一次過可以放到幾多隻手指入去食先.

瞓晏覺瞓到幾嘆.

勢力範圍唔夠大, 連床下底都要霸埋.

8 Nov 11 話說妹妹唔飲水. 呢日食完晏, 工人試下用呢個方法餵水. 咦, 又ok喎. 提醒左媽媽, 妹妹day 1 係醫院, 又真係用呢個餵既方法飲奶而唔係用奶樽. 可能咁, 妹妹變左咁飲水, 都無難度.

跟住惡夢黎了, 就係媽媽繼續餵粥仔, 忽然見妹妹想去poo poo. 咁梗係即抱佢坐痰罐啦, 點知妹妹一用力, 唔夠力, 跟住大喊. 再用力, 跟住又狂喊. 媽媽知妹妹用唔到力, 因為便秘得好厲害. 抱佢睇下, 原來poo poo 有少少出左黎, 但又唔夠力再出. 媽媽見到妹妹痛到喊, 媽媽都差點喊埋一份. 仲要見到有血tim. 陰公, 梗係整損左, 喊到鬼殺咁嘈又嗲喎. 媽媽情急之下, 用濕紙巾幫妹妹扯出黎, 但仲有少少少少突出黎, 媽媽又唔夠胆再扯, 諗去唔去急症室, 妹妹一用力又繼續喊, 一定好唔舒服定了. 不過媽媽一想像到, 入左急症室, 醫生都係夾硬撓出黎個下, 媽媽就唔想去了. 好在妹妹喊到攰左, 自己瞓左三粒鐘, 起身儲夠力再去到咋. 不過都有喊, 可能整損左啦, 所以痛到喊.
為左解決妹妹唔飲水問題, 媽媽諗緊點煲水比佢飲, 因為又唔想日日飲果汁, 始終都係製成品嘛 不過, 當前已經改善既問題, 就係粥仔唔再杰撻撻既飯仔, 而係真係粥仔了. 希望情況有所改善啦.