五行欠打

4 Nov 11 呢輪阿妹梗係五行欠打, 晚晚都好似喊驚咁, 喊到凌晨一點至收工, 跟住兩三個鐘後又喊醒過. 咁抱又唔係, 咁抱又唔係, 擘大喉嚨搏命喊, 其實唔知佢想點. 囡呀囡, 媽媽好想你快D識講野, 你快D講野啦, 話比阿媽知, 你究竟發生乜事, 邊度唔舒服.
 Claire: 其實我係玩掌上壓玩得攰得滯, 咪半夜瞓得唔好囉.

媽媽真係好有衝動打佢一身. 反正都係喊到咁激. 唔知佢想點, 唉. 

5 Nov 11 嘈完成晚, 翌朝又係晨早醒左, 難為你咁精神, 阿媽真好攰呀. 好似無瞓過覺咁滯.
Claire: 我呢個pose 岩岩瞓醒, 似唔似海棠春睡, 誘唔誘人呀?   媽媽: 好誘人......想打你吖嘛


呢晚無喊得咁激動, 不過一樣係喊. 媽媽開始同情妹妹, 妹妹一定好唔舒服了~~~唔通出牙仔?

6 Nov 11 呢晚頂唔順, 食左半支珍珠末~~~~~不過一樣喊, 半夜三更爸爸再三要求媽媽移師陣地.....瞓妹妹隔離, 不過妹妹好似醒得仲密左. 唉. 難為了媽媽.

Claire: 咁人地係女仔黎架嘛, 更係難服侍 d 架啦.