濕地一遊

節錄返 Isaac 自彈自唱既片段先. 仔細就好鐘意音樂既仔仔, 唔知大個會唔會學音樂呢!

跟住黎一幅仔仔坐千秋既相. 本來無乜特別, 媽媽影低, 因為 isaac 仲係 bb時, 爸爸已經咦咦哦哦話做乜屯門無千秋比bb玩, 要帶 Isaac 去坐千秋喎. 呢日放學, 有個同學仔帶我地去會所玩, 有架千秋, 媽咪梗係要影低, 等爸爸心息先.


呢日, 媽媽又約左同學仔出去玩, 今次係濕地. 好在唔算太熱. 媽媽今次帶埋妹妹出去, 睇妹妹幾咁開心.

Isaac: 我想同bird bird影張相先

Claire: 我好榮幸可以同哥哥同埋佢同學仔出街街    Isaac: 哈哈哈, 你咪氹我開心啦

Isaac: 唔....我要影張單人照先, 呢度風光如畫

Isaac: 爸爸, 你睇下呢度, 好多魚呀....

今次又係同行無男仔, 所以成程得 Isaac 自己走黎走去. 仔仔好努力咁撩女仔玩, 不過個個同學仔都好斯文, 無人啋佢喎.

Isaac: 點解無人同我玩跑跑跑既......

好在爸爸今次都有黎, 所以爸爸就專責同仔仔一齊跑跑追追.

爸爸一向熱愛動物昆蟲, 所以媽媽可以好專心咁"行" 完一程. 呵呵呵.

玩左兩個鐘, 我地搭車去打邊爐lu. 不過餵食既 Isaac, 好唔客氣咁收左同學仔兩包餅餅

Isaac: 媽咪, 比返包餅餅我啦     媽咪: 食完要飲水水架~~~

努力摷餅中.

好專心咁摷餅食, 食完呢啖之後, Isaac 傻笑咁講: 嘻嘻, 我好餵食~~~