掛袋

人地掛靴, 我就幫個仔掛袋.

因為學左四堂既畫班, Isaac話唔學囉喎, 問佢點解, 佢話, 阿sir同miss 會咬 Isaac. 媽媽聽到, 好驚訝, 再問多少少, 仔仔話因為 Isaac 油顏色油出界吖嘛, 唔坐低吖嘛, 所以阿 sir 同 miss會咬佢。　媽媽唔知真定假, 不過亦都無打算打去畫室問個究竟. 問左, 真的話, 之後唔通比阿仔繼續學咩, 繼續學又怕老師對佢有介心. 唔係的話, 又好尷尬. 反正都係每個月交學費, 之前見仔仔咁鐘意畫野, 至比佢學下. 培養佢興趣. 試左一個月, Isaac唔想學, 即佢無興趣啦. 等佢大個d 至再算了. 又或者可能呢班年紀比較大, 阿仔無乜同齡朋友, 見到同學仔傑作, 會覺得自己畫得唔靚無信心掛. 再過一兩年, 到時仔仔自己可能主動提出要學畫畫都未定.


回顧過去四堂作品. 第一堂既老師同之後三堂係唔同既, 所以作品都好大差別.

第一堂, 一隻蝸牛
 呢堂既老師比較豪氣, 唔係個隻陰聲細氣去氹小朋友既老師黎. 所以上完呢堂, Isaac 已經話唔鐘意呢個老師. 媽媽都估到, 因為佢無陰聲細氣同兩歲半既小朋友講野吖嘛, 上完堂又無貼紙氹下佢開心. 不過呢堂老師話, 成幅畫都係阿仔自己畫既, 老師只係用手指guide住佢條線點轉.

不過試完一堂, 老師話佢能力係可以達到畫室要求, 當然未粹熟啦. 因為始終得兩歲半. 呢班係 3-6歲既班黎架嘛. 仔仔算唔錯架啦. 既然老師無話佢唔符合畫室要求, 所以媽媽都比左錢比佢學多三堂.

第二堂, 仔仔未去已經話唔要第一堂既老師. 要去另一個陰聲細氣既男老師張枱上堂. 於是, 由第二堂開始, 畫風都唔同哂.

第二堂, 魚缸
 老師話全幅畫既構想同石仔都係來自 Isaac的.

第三堂, 屋

第四堂, 雞泡魚.....不過會見到太陽伯伯.......老師話, Isaac就係咁, 忽然會諗起一樣野就忽然會加左上去, 唔理合唔合理. 老師立場, 無對與錯, 所以老師唔會stop Isaac 加個太陽伯伯係雞泡魚到. 因為佢支持個人風格.

上左四堂, Isaac 係全畫室年紀最細的一個, 睇住其它同學仔好"成熟"咁拎住色彩縯紛既畫放學, 媽媽都有少少担心仔仔跟得好辛苦. 令到仔仔學得唔開心. 於是放學同阿sir講下, 不過阿sir話 Isaac 一點問題都無, 係完全跟得上進度, 只係畫風仲未綷熟. 老師仲好驚訝原來仔仔三歲都無~~~希望唔好後悔收左個兩歲半既學生啦.

其實係媽媽立場, 都好想仔仔繼續學落去, 因為呢間畫室好有heart. 放學時, 會同每個家長都brief 返小朋友畫畫過程, 小朋友點解會咁畫, 小朋友表現等等. 媽媽覺得仲好過佢返緊個間幼稚園 tim 呀. 至少比媽媽了解下小朋友係裡邊既表現. 暫時未試過有一間學野既地方會比媽媽咁滿意架.