童言

最近， 媽媽好想好想寫篇BLOG， 係記低仔仔既純真童言， 因為一轉眼， 呢D童言唔會再出現架啦。

係回憶之前， 先POST返仔仔呢兩個月最鐘意既玩意～～～就係扮普通話老師上堂同埋落堂。

最搞笑係必備道具～～箱或筒一合仲要由廚房行出黎， 當正行入班房咁。媽媽其實細細個都係自己獨自玩扮老師玩到大架咋， 哈哈哈， 阿仔你呢方面真係好似媽媽。

另外， 仲有個好純真既VIDEO， 就係食， 食係仔仔最大既興趣黎。爸爸話同佢媽咪一樣喎～～～呵， 媽咪而家已經忙到都無時間諗去食了。所以唔一樣呀。

ISAAC: 媽咪， 你想唔想食呀？ 好好味架喎


等媽咪諗下仔仔好搞笑既童言先～～～真係好怕比人打：

1） 搭車時有個年純五十歲既女人望住ISAAC， 爸爸要 ISAAC 同姨姨SAY HELLO， 點知仔仔指住個姨姨話：
呢個唔係姨姨黎架， 呢個係婆婆黎架
不停咁重覆呢句， 仲要指住個女人黎講。個女人仲要坐到好近我地架咋， 媽咪真係尷尬到唔知講乜好。因為婆婆BABY FACE， 六十歲個樣都係好似呢個女人咁上下， 所以仔仔咪有錯覺， 以為呢個年純既女人都叫婆婆 ～＿～

2）話說樓下有個外下粧既姨姨做清潔既。有朝出門見到呢個清潔姨姨， 媽媽要 ISAAC同姨姨SAY HELLO， 跟住仔仔好大聲話：
呢個唔係姨姨黎架， 呢個係嬸嬸黎架
～＿～ 唔駛問， 一定係爸爸又教錯哂叫法啦， 唉～～～ 嬸嬸個稱呼幾咁唔得體呢， 真係吖。
暫時只係記得呢兩個咁經典又好易比人打既童言～～無忌

仲有以下， 係阿仔冧爆媽咪既童言：

1） ISAAC 指住媽咪爛左既牛仔褲 （懶型咁著條爛既牛仔褲）
ISAAC：媽咪， 點解爛左既
媽咪：哦， 媽咪無返工工， 無錢買褲褲吖嘛
ISAAC： 我想返工工， 揾錢買褲褲比媽咪著吖
冧哂

2）媽咪同仔仔沖沖下涼， 忽然仔仔講
ISAAC：媽咪以後唔駛返工工喇。
媽咪：點解既？ 點解以後唔駛返工工既？
ISAAC： 屋企有錢啦嘛 ～～ （跟住講完仔仔自己係度傻笑幾聲）

3）媽咪： 媽咪第時都會變老架， 好似婆婆咁囉。媽咪老左你會唔會唔要媽咪架？
ISAAC好肉緊咁講： 我要呀我要呀我要媽咪呀  （通常肉緊到紮紮跳）
冧哂

忽然間寫時， 又忘記哂其它阿仔冧媽咪既說話TIM。不過最冧， 莫過於， 由識爬爬時， 已經係一聽到媽咪喊或整親好痛咁叫時， 都飛撲埋媽咪KISS返媽咪， 到今日返學都仲係KEEP到呢個習慣， 媽咪真係好窩心架。而家媽咪有時係房餵妹妹或者抱妹妹， 比妹妹整到痛， 叫左一聲， ISAAC都會由廳跑入房睇媽咪做乜事， 跟住會哄返媽咪。仔仔真係好錫媽咪架。媽咪當然都好錫仔仔啦。

今日有人問， 仔仔同媽咪既親子關係如何。媽咪真係唔識答， 不過可以肯定係好好， 因為仔仔唔開心時， 會同媽咪講： 我唔開心～～～然後梗係媽咪氹下佢講點解唔開心啦

媽媽最想， 係可以KEEP住呢種關係， 直到仔仔大個。因為只有咁樣， 媽媽至可以同青少年既 ISAAC 溝通， 了解下佢唔開心係乜事嘛。媽媽會窮一生精力去學習點樣同仔女溝通， 因為除左仔仔， 仲有女女都要KEEP呀～～～～