第一次用飲管杯

27 Nov 11 人生第一張同老豆影既聖誕相, 媽咪梗係要POST上黎啦. 下次爸爸都唔知幾時會記得主動同妹妹影架喎, 哈哈.

食飽飯飯, 臨瞓指定動作係同哥哥係床到玩. 呢個係哥哥每日都好期待既環節, 媽媽相信妹妹都一樣咁鐘意. 因為試過有次唔比妹妹入房玩, 妹妹扁哂咀, 兩隻手都要往房方向去, 我諗妹妹識講野, 實會同哥哥一樣咁講: 我想同哥哥玩碌碌碌呀

不過兩隻馬蹓無碌, 反而玩到癲, 好似人地玩相撲咁.

28 Nov 11Claire: 等我睇下點打keyboard既先

拖左好耐, 終於的起心肝配返套新既學習杯. 呢日胆粗粗比妹妹試下. 吖, 點不知佢又真係識用飲管飲水喎, 叻叻.
Claire: 咁媽咪會唔會比個叻叻我呢

Claire: 我係咪好厲害呀, 第一次用飲管杯就搞掂左.

話時話, 媽咪唔記得左寫, 早幾日, 妹妹識由趴變坐了. 媽媽真開心.