補記食物

2 Nov 11 之前唔記得寫返, 七個月既妹妹, 已經食過既有香蕉, 蘋果, 木瓜, 旦黃, 南瓜, 薯仔, 荷蘭豆, 蕃薯, 豬肉, 魚. 黎緊媽媽最想比妹妹食芝士, 因為芝士應該可以食得幾肥下, 長多D肉. 呵呵.

Claire: 你咪旨意谷肥我呀

3 Nov 11 呢日下午, 媽媽忙緊同哥哥瞓晏覺, 聽到妹妹鬼殺咁嘈狂喊, 跟住忽然靜哂. 趁哥哥瞓左, 媽媽即走去隔離房睇, 原來工人話佢唔肯瞓低. 要坐係到同工人一齊摺衫喎.

 Claire: 等我扮下工人做野圥

  Claire: 咁多衫圍住我, 我摺邊件好呀?

Claire: 媽咪, 好好玩呀, 一齊黎摺吖  

幾日無玩健力架,呢日拎返出黎, 妹妹見到鏡中人, 係咁咀落去.

哥哥好返無咳咳, 妹妹又無病病, 呢晚掟左妹妹上床同哥哥玩下. 除左玩跳上哥哥到(每次跳上哥哥到, 妹妹都唔知乜事, 但哥哥就笑到傻左), 仲一齊爭書睇.  Claire: 我又睇~~~

 Isaac: 你唔好嘈住我睇書啦. Claire: 你遮住左, 我睇唔到吖

呢兩日, 妹妹分別每日食左三碗半同四碗粥. 可惜食左四碗粥個晚, 半夜依然醒左一個鐘. 想點呀.....