忽然大食

1 Nov 11 妹妹話咁快就七個月了. 回顧過去, 真係眾所皆知係一個難湊BB, 唔食唔瞓.

不過七個月, 有個好明顯既轉變, 希望唔係曇花一現.

自從早兩日食左兩碗一餐媽媽愛心粥後(即個日食左四碗),  之後個幾日都食得好多下. 七個月呢日, 一日食左三碗仔粥仔, 當然個碗係好迷你. 但媽媽睇到妹妹咁大既進步, 真係替妹妹開心. 希望自此妹妹快高長大, 長多D 肉, 後來追上啦.

Claire: 但我都係鐘意玩多d.


好肉緊既妹妹, 睇下隻sophie變哂形咪知佢幾咁落力咬

Claire: 嘻, 做乜偷影我呀

Claire: 哈哈, 我捉到你偷影

妹妹雖則係女仔, 但坐姿一向好豪放. 比哥哥坐得更男仔.  Claire: 好男仔咩?

自從日頭食多左粥後, 呢幾日妹妹半夜無醒了(先touchwood先, 通常係度讚完個日佢又會發作架) 希望妹妹自此一覺瞓天光, 唔好再折磨媽媽啦.