海洋公園. 浸金桔

12 Feb 13 又係時候去海洋公園了. 呢次爸爸買左張年票比 Isaac, 仲問 Isaac 想黎幾多次. Isaac 答佢十次. 嘩, 即係仲有九次要黎. 

 海洋公園除左吊車吸引 Isaac 外, 第二就係兒童樂園. 睇佢笑到四萬咁口就知佢真心喜歡啦. 

Isaac: 我仲鐘意畫畫架. 


去咁多次海洋公園, 第一次走埋呢個菜檔搞搞震. 

Isaac: 喂, 好靚既西瓜呀~~~~~快d 黎買啦. 

16 Feb 13 Isaac: 我幫爸爸一齊同金桔沖涼呀 (媽媽解釋話要用鹽同金桔沖涼)

真係好專心架, 好有耐性咁放哂兩大樽. 不過期間對手成日按地下又玩腳, 比媽媽罵左好多次. 

Isaac: 呢樽我幫手整架, 我叻唔叻呀

呢樽唔知要放幾耐, 至食得呢? 媽媽笑說, 留返兩兄妹一人一樽都夠囉. 之後十年八年唔駛再浸. 

爸爸新情人

14 Feb 13 情人節快樂, 呢日爸爸要返工, 媽媽唔駛返工. 爸爸放工返黎, 買左個旦糕作為一家人情人節旦糕


好靚既心形, 相信所費不菲. 

爸爸新情人.可惜呢位新情人, 對於呢個MOOUSE旦糕興趣不大. 

其實, Claire 都有新情人架, 就係怪獸公司個隻毛毛了. 有一日同媽媽講, 要毛毛, 媽媽心諗你講乜呢, 原來係要揾返隻毛毛出黎. 陪佢上床瞓. 

16 Feb 13 呢日, 媽媽身水身汗的左兩大包粗鹽返屋企, 原來張單寫住十公斤. 嘩, 唔怪得咁重啦. 夜晚, 比三個情人一家動工做親子咸金桔. 

 Claire: 我都有幫手放桔架

Claire: 話咁快玩完一樽了. 好好玩呀

對上一次整咸金桔係四年前, 陀住Isaac未生個時. 今日再整兩大樽, 兩兄妹一人一樽. 相信十年八年都唔駛再浸了. 

遊海洋公園

12 Feb 13 年初三, 一大早就起身出發去海洋公園, 今次仲破費買左兩張金咭. 辛苦哂爸爸. 

Claire: 但咁早起身, 我未瞓醒呀


一去到, 問過海豚劇場廂座全日都滿哂. 唯有先睇雀鳥劇場啦. 第一隻出黎既幾鮮艷

跟住梗係去兒童樂園啦. 睇下一對仔女幾咁開心. 

Claire又要學哥哥畫野. 係屋企佢最鐘意畫畫. 尤其係每次哥哥做功課, Claire都會自動自覺幫哥哥拎哂畫筆, 自己又一盒畫筆, 第一個埋枱畫野既人黎. 

Claire 係遊樂場最鐘意係玩滑梯. 第二樣就麻麻地. 

海洋公園兒童樂園指定動作之一, 哈哈. 辛苦哂爸爸

呢架車仔, 原來係入兩元架咋, 都可以玩幾耐下架喎. 真係抵. 

每次去海洋公園, 我地都食到好貴. 所以呢次媽媽決定自備午餐. 好在爸爸無反對. 

兩兄妹等睇海豚時, 各自食飯團, 不知幾咁滋味. 不過飯團數量不多. 爸爸媽媽唯有求其買少少野食充饑, 點都好過正餐坐餐廳食既. 

兩兄妹摛日睇完煙花, 鬼咁攰. 呢日又晨早比我地摷醒, 哥哥撐得好辛苦至睇哂成個海豚表演. Claire一如以往, 唔駛瞓都得. 

 Claire: 嘩, 我紮哂馬出盡力推都推唔郁哥哥既

Claire: 你做乜影我呀

推推下忽然又整古做怪,雙手撓後面行. 

Claire: Hi, 我見到叔叔咪同佢地影返張合照囉. 

呢日海洋公園多人到爆, 海洋公園要停售門票兩個幾鐘. 可想言之裡面係幾咁迫人幾咁蛇餅. 不過無損Claire 邊排隊邊玩既性格

Claire: 你做乜又影我, 我哨牙比你睇吖啦

Claire: 豬咀

終於落返山, 去左老香港呢邊. 呢個菜檔, 係Claire 第一次見架咋. 梗係去搞下先

跟住又去排轉轉馬. 

排下呢樣排下個樣. 呢日既行程真係無乜野做到咁. 不過唔緊要, 我地有pass, 以後隨時去玩一兩樣野都得. 

新年睇煙花

11 Feb 13 大年初二, 22個月大既Claire, 第二次上山頂. 不過呢次係冬天. 仲要係去睇煙花. 係Claire 第二次睇煙花. 第一次係迪迪尼. 今次係山頂. 

Claire: 唔好叫我住啦, 我同哥哥欣賞緊風景呀

Claire: HURRAHS ~~~~一陣有好野食

Claire: 爸爸, 你想唔想試下芝士pizza 好無食呀?

食飽飽睇煙花, Claire 一邊睇一邊拍手, 吖, 唔知邊個教佢既呢, 咁醒. 

Claire: 好開心呀, 煙花又好睇, 甜品又好味~~~我食左兩塊朱古力曲奇呀 

連媽媽笑容都同妹妹咁一致. 可想而之我地幾咁滿意呢餐. 多謝爸爸. 

第一次睇新年煙花

11 Feb 13 本來諗住早少少上山頂玩一陣公園, 點知搞搞下無哂時間. 所以我地淨係上山頂食餐飯睇煙花. 不過 Isaac都好開心. 

 Isaac: 我聽到有人講我喎. 

 Isaac: 呢個飯係我自己要架. 我最想食個舊炸三文魚. 

Isaac: 好好味呀, 我仲分左一啖仔比妹妹, 我叻唔叻呀


廿分鐘既煙花, 對小朋友黎講, 真係好長, 仲要重重複複都係一堆火花. 所以, 睇睇下, 有人走左去玩

莫非佢想拗腰?

Isaac: 咦, 點解比你地發現左架


睇完煙花, 臨走影張大合照. 估唔到咁齊心, 可以一齊望鏡頭. 

阿仔好鐘意公交, 所以一見呢架展示車, 死人都要出返黎影張相至可以走. 不過架車收九點, 我地入唔到去, 唔知裡面係展示d乜呢

賞煙花 @ 峰景餐廳

大年初二, 爸爸BOOK左枱, 話去山頂睇煙花. 之前一直諗, 山頂咁高, 其實唔知睇唔睇到. 得個謎字. 

日頭係樓下踩下單車整下雪糕, 差唔多四點至出發. 估唔到 N 咁多人上左山, 或者一齊上山. 所以條山路好塞下. 後黎諗下, 好在爸爸明智, 話渣車上去咋, 因為搭纜車既蛇餅, 由我地到達直至食完飯個時, 都仲係一個餅. 真係恐怖. 

山頂峰景餐廳二樓望落黎既夜景. 究竟睇唔睇到煙花既呢?


我地BOOK左六點半. 其實四點出門口, 塞下車又排下隊, 坐低真係岩岩好六點半. 我地之前BOOK 左係食SET DINNER, 咁樣至可以有WINDOW SEAT喎. SET DINNER外, 仲叫左兩個兒童餐比一對仔女. 最先上枱既係 Isaac 既意大利飯, 精緻到呢~~~~媽媽懷疑夠唔夠飽架. 


set dinner 既頭盤係生蠔. 媽媽一向唔食生蠔. 不過見咁貴, 諗一隻啦. 但感覺好似南丫島個次既美國蠔好食d. 哈哈. 

食完生蠔, 有刺身同軟殼蟹. 感覺又係好麻麻. 由此可以想像, 樓下buffet 既冷盤可以有幾新鮮. 

阿妹既兒童餐黎lu. 係超有味道既超級芝士餅. 阿妹食到lam lam 利. 

呢個湯好味架, 係支竹湯. 真係未飲過乜叫支竹湯. 

爸爸既海陸空咖喱

媽媽既大蝦肉眼扒. 好好味. 咪睇份量好似好少, 但食完我同爸爸都覺得好飽. 

食哂就岩岩好, 放煙花. 

美中不足係, 明明人地專心睇緊煙花, 點知waiter 係咁上甜品, 仲要係梳乎厘加雪糕. 咪即係要人拿拿臨食埋佢, 如果唔係, 等得煙花放完, d 甜品都唔知變左乜樣. 

就係甜品上後, 加埋兩碟甜到漏既曲奇, 一對仔女既專注力放左係KO甜品上, 所以甜品相欠奉. 真係可惜. 

不過甜品真係好好好好好甜~~~~~~~~~甜到怕. 

ANYWAY, 多謝爸爸比我地上山頂過新年, 睇煙花